தமிழ்நாட்டில் 22 கேரட் ஆபரணத் தங்கத்தின் விலை இன்று (மே 22) சற்று குறைந்து, பொதுமக்களுக்கும் நகை பிரியர்களுக்கும் சிறிய ஆறுதலைத் தந்துள்ளது. நேற்று ஒரு சவரன் ஆபரணத் தங்கம் ரூபாய் 1,18,480-க்கும், ஒரு கிராம் தங்கம் ரூபாய் 14,810-க்கும் விற்கப்பட்டது. இந்த நிலையில், இன்று தங்கம் விலை சவரனுக்கு ரூபாய் 240 குறைந்து ரூபாய் 1,18,240 ஆகவும், கிராமுக்கு ரூபாய் 30 குறைந்து ரூபாய் 14,780 ஆகவும் சரிவடைந்து விற்பனை செய்யப்படுகிறது.
தங்கத்தின் விலை சற்று குறைந்திருந்தாலும், வெள்ளியின் விலை இன்று அதிரடியாக உயர்ந்துள்ளது. நேற்று விற்ற விலையை விட வெள்ளியின் விலை இன்று கிராமுக்கு ரூபாய் 5 உயர்ந்து ரூபாய் 295-க்கு விற்பனையாகிறது. அதேபோல், ஒரு கிலோ வெள்ளியின் விலை ஒரே நாளில் ரூபாய் 5,000 வரை உயர்ந்து, இன்று ரூபாய் 2,95,000 என்ற புதிய உச்சத்தைத் தொட்டு விற்பனை செய்யப்படுகிறது.