சென்னையில் கடந்த வார இறுதியில் ஏறுமுகமாக இருந்த தங்கம் விலை, இந்த வாரத் தொடக்கத்தில் சரிவைக் கண்டுள்ளது. இன்று 22 கேரட் ஆபரணத் தங்கம் சவரனுக்கு ₹480 குறைந்து, ஒரு சவரன் ₹1,14,400-க்கு விற்பனையாகிறது. அதேபோல், கிராமுக்கு ₹60 குறைந்து ₹14,300-க்கு விற்பனை செய்யப்படுகிறது.
தங்கத்தின் விலை குறைந்திருந்தாலும், வெள்ளியின் விலையில் எவ்வித மாற்றமும் இன்றி நேற்றைய விலையிலேயே நீடிக்கிறது. அதன்படி, ஒரு கிராம் வெள்ளி ₹280-க்கும், ஒரு கிலோ பார் வெள்ளி ₹2,80,000-க்கும் விற்பனையாகிறது. கடந்த சில நாட்களாக தொடர்ந்து உயர்ந்த தங்கம் விலை இன்று குறைந்திருப்பது நகை வாங்குவோருக்கு சற்று ஆறுதலை அளித்துள்ளது.