தமிழகத்தில் தங்கம் விலை தொடர்ந்து இரண்டாவது நாளாக சரிவைச் சந்தித்து நகைப்பிரியர்களுக்கு பெரும் மகிழ்ச்சியை ஏற்படுத்தியுள்ளது. நேற்று ஆபரணத் தங்கம் விலை சவரனுக்கு ரூ.160 குறைந்து ரூ.1,15,840-க்கு விற்பனையான நிலையில், இன்று அதிரடியாக சவரனுக்கு ரூ.400 குறைந்து ரூ.1,15,440-க்கு விற்பனை செய்யப்படுகிறது. அதேபோல், நேற்று ஒரு கிராம் தங்கம் ரூ.14,480-க்கு விற்கப்பட்ட சூழலில், இன்று கிராமுக்கு ரூ.50 சரிந்து ரூ.14,430-க்கு விற்பனையாகிறது என்று சந்தை நிலவரங்கள் தெரிவிக்கின்றன.
தங்கத்தின் விலையைத் தொடர்ந்து, வெள்ளி விலையும் இன்று கணிசமாகக் குறைந்துள்ளதால் வாங்குவோருக்குச் சாதகமான சூழல் உருவாகியுள்ளது. வெள்ளி விலை கிராமுக்கு ரூ.5 குறைந்து ஒரு கிராம் ரூ.280-க்கும், ஒரு கிலோ வெள்ளி ரூ.5,000 சரிந்து ரூ.2,80,000-க்கும் விற்பனை செய்யப்படுகிறது. சர்வதேசப் பொருளாதாரச் சூழல் மற்றும் நாணய மாற்று மதிப்பில் ஏற்படும் மாற்றங்கள் காரணமாக இந்த விலை வீழ்ச்சி ஏற்பட்டுள்ள நிலையில், கடந்த சில நாட்களாக நிலவி வந்த விலை ஏற்றத்திற்குப் பிறகு இந்தத் தொடர் சரிவு நுகர்வோருக்கு நிம்மதியை அளித்துள்ளது.