டிட்வா புயல் காரணமாக கடலோர மாவட்டங்களில் கனமழை பெய்து வருகின்றது. இந்நிலையில் 5 கிலோ மீட்டர் வேகத்தில் புயல் நகர்ந்து வருவதாக வானிலை ஆய்வு மையம் தகவல் தெரிவித்துள்ளது. சற்று நேரத்தில் தமிழக – புதுச்சேரி கடலோர பகுதிகளில் இருந்து 25 முதல் 50 கிலோமீட்டர் தொலைவில் புயல் மையம் கொள்ளும் என தெரிவிக்கப்பட்டுள்ளது. இதனைத் தொடர்ந்து இன்று மாலை புயல் வலு விழக்கும்.
தமிழகத்தில் பெரும்பாலான மாவட்டங்களில் கனமழை எச்சரிக்கை விடுக்கப்பட்டுள்ளது. புயல் கரையை கடப்பதை முன்னிட்டு இன்று பொதுமக்கள் வெளியே வர வேண்டாம் என்று தமிழக அரசு அறிவுறுத்தியுள்ளது. மேலும் தாழ்வான பகுதிகளில் வசிக்கும் மக்கள் பாதுகாப்பான இடங்களுக்கு செல்ல வேண்டும் என்றும் பலவீனமான கட்டிடங்கள் மற்றும் மரங்களுக்கு கீழே நிற்க வேண்டாம் என்றும் எச்சரிக்கை விடுக்கப்பட்டுள்ளது. புயல் எதிரொளியாக தமிழகத்தின் அனைத்து மாவட்டங்களிலும் மழை பெய்யும் என எச்சரிக்கை விடுக்கப்பட்டுள்ளது.