குறுகிய காலத்தில் எடையைக் குறைக்கத் தீவிர உணவுக்கட்டுப்பாடு மற்றும் பட்டினி கிடப்பது தசைச் சிதைவு, ஹார்மோன் சமநிலையின்மை மற்றும் சோர்வையே ஏற்படுத்தும் என நீரிழிவு நோய் நிபுணர் கார்த்திக் ராவ் தெரிவித்துள்ளார். உடலின் செல்கள் புதிய பழக்கங்களை ஏற்றுக்கொண்டு கொழுப்பைக் கரைக்கக் குறைந்தபட்சம் 90 நாட்கள் ஆகும் என்பதால், பட்டினி கிடக்காமல் ஆரோக்கியமான முறையில் எடையைக் குறைக்க 5 வழிகளை அவர் பரிந்துரைத்துள்ளார்.
தினமும் சாப்பிடும் உணவில் 50% காய்கறி/சாலட்கள், 25% புரதம், 25% காம்ப்ளக்ஸ் கார்போஹைட்ரேட் என்ற ’50-25-25′ முறையைப் பின்பற்றுவதுடன், சர்க்கரை மற்றும் எண்ணெயில் பொரித்த உணவுகளை முற்றிலும் தவிர்க்க வேண்டும். மேலும், 16:8 இடைவெளி உபவாசம், தினமும் 8,000 முதல் 10,000 அடிகள் வரை நடைப்பயிற்சி, 3.5 லிட்டர் தண்ணீர் அருந்துதல் மற்றும் 7-8 மணி நேர ஆழ்ந்த உறக்கம் ஆகியவற்றைத் தொடர்ந்து 90 நாட்கள் கடைப்பிடித்தால் நிரந்தரமான ஆரோக்கியமான எடை இழப்பைப் பெற முடியும்.