முத்து, மதராசப்பட்டிணம், KGF, போன்ற பல திரைப்படங்கள் எடுக்கப்பட்ட அரண்மனை இது தான்.. மிரளவைக்கும் தகவல்கள்…

முத்து, மதராசபட்டினம், KGF  போன்ற பல திரைப்படங்களில் பிரம்மாண்டமான அரண்மனையை பார்த்து ரசித்திருப்போம். இந்த அரண்மனைக்கு ஒரு நாள் சென்று வந்தால் எப்படி இருக்கும்? எனவும் யோசித்திருப்போம். ஆனால் இந்த அரண்மனை எங்கே இருக்கிறது ? இந்த அரண்மனையை பற்றி முழுதாக உங்களுக்கு தெரியுமா? வாங்க இந்த பதிவில் நாம் பார்க்கலாம்.

சூப்பர் ஸ்டார் ரஜினிகாந்த் நடிப்பில் ‘முத்து’ திரைப்படம், மேட்டுக்குடி, பிரியமானவளே, மதராசபட்டினம் ,காதலன், ஜோடி ,பையா , KGF என பல்வேறு திரைப்படங்களில் அமைந்த அரண்மனை தான் லலிதா பேலஸ். இந்த அரண்மனை கர்நாடகாவில் உள்ள மைசூரில் அமைந்துள்ளது. மைசூர் நகரத்தில் உள்ள ஒரு வரலாற்று சிறப்புமிக்க கட்டிடம் தான் லலிதா பேலஸ். இந்த அரண்மனை E.W. Fritchley என்பவரால் வடிவமைக்கப்பட்டது என்றும்,  இது மைசூர் மகாராஜாவால் இந்தியாவின் வைஸ்ராய்க்காக கட்டப்பட்டது என்றும் சொல்லப்படுகிறது.

மைசூரில் இருந்து 5 கிலோமீட்டர் தொலைவில் சாமுண்டி மலையின் அடிவாரத்தில் ஒரு சிறிய குன்றின் மீது அமைந்துள்ள இந்த அரண்மனையில் பல்வேறு படங்களின் சூட்டிங்களும் எடுக்கப்பட்டுள்ளது. அதேபோல இந்த அரண்மனையில் பல்வேறு சொகுசு வசதிகளும் அமைக்கப்பட்டிருக்கிறது. விருந்தினர்கள் தங்குவதற்கு பல்வேறு நவீன வசதிகளும் அமைக்கப்பட்டு பராமரிக்கப்பட்டு வருகிறது.

இந்த அரண்மனையை ஒரு சொகுசு பாரம்பரிய ஹோட்டலாகவும் மாற்றியுள்ளனர். இங்கு ஷூட்டிங் இருக்கும் அனுமதி வழங்கப்பட்டுள்ளதால் பல்வேறு திரைப்படங்களும் படமாக்கப்பட்டுள்ளது குறிப்பிடத்தக்கது. ‘முத்து’ திரைப்படத்தில் அப்பா ரஜினி தனக்கு சொத்து எதுவும் வேண்டாம் என்று தன் குழந்தை ஒப்படைத்து விட்டு செல்லும் காட்சி, இந்த அரண்மனையில் தான் எடுக்கப்பட்டது.

இதை தொடர்ந்து ‘லிங்கா ‘ திரைப்படத்தில் காட்டப்பட்ட அரண்மனையும் இதுதான். ‘மதராசபட்டினம்’ திரைப்படத்தில் எமி ஜாக்சன் தங்கி இருக்கும் அரண்மனையும் இதுதான். ‘காதலன்’ திரைப்படத்தில் பிரபுதேவா முதன் முதலில் நக்மாவை பார்க்கும் காட்சி எடுக்கப்பட்டதும் இந்த அரண்மனையில் தான். இப்படி பல்வேறு திரைப்படங்களில் பார்த்த இந்த அரண்மனையை நம்ம பார்க்க வேண்டாமா? மைசூர் பக்கம் போனா கண்டிப்பா மிஸ் பண்ணாம பாத்துட்டு வந்துடுங்க.