தமிழகத்தில் ஏப்ரல் 1-ஆம் தேதி முதல் சொத்துப் பதிவு முறையில் முக்கிய மாற்றங்கள் அமலுக்கு வந்துள்ளன. குறிப்பாக, நிலங்களின் வழிகாட்டி மதிப்பை தமிழக அரசு உயர்த்தியுள்ளதால், இனி வீடு மற்றும் நிலம் வாங்குபவர்கள் கூடுதல் முத்திரைத் தீர்வை மற்றும் பதிவுச் கட்டணத்தைச் செலுத்த வேண்டியிருக்கும்.
மேலும் கடந்த ஆண்டு அமலில் இருந்த தற்காலிகக் குறைப்பு விலக்கிக் கொள்ளப்பட்டு, பழைய 9 சதவீதக் கட்டண முறையே மீண்டும் நடைமுறைப்படுத்தப்பட்டுள்ளது. இதன் காரணமாகப் பத்திரப் பதிவுச் செலவுகள் கணிசமாக அதிகரிக்கும் என்பதால், நடுத்தர வர்க்கத்தினர் மற்றும் ரியல் எஸ்டேட் துறையினர் மத்தியில் இது பெரும் தாக்கத்தை ஏற்படுத்தியுள்ளது.
மறுபுறம், பத்திரப் பதிவு அலுவலகங்களில் வெளிப்படைத்தன்மையைக் கொண்டுவரவும், போலிப் பதிவுகளைத் தவிர்க்கவும் ‘ஸ்டார் 3.0’ என்ற மேம்படுத்தப்பட்ட மென்பொருள் பயன்பாட்டிற்கு வந்துள்ளது. இதன் மூலம் பொதுமக்கள் ஆன்லைன் வாயிலாகவே பெரும்பாலான பணிகளை எளிதாக முடிக்க முடியும்.
மேலும், நிலத்தின் உரிமையாளருக்குத் தெரியாமல் நடைபெறும் முறைகேடானப் பதிவுகளைத் தடுக்கப் புதிய கட்டுப்பாடுகள் விதிக்கப்பட்டுள்ளன. நிலம் வாங்குபவர்கள் மற்றும் விற்பனையாளர்கள் இந்த புதிய கட்டண உயர்வு மற்றும் தொழில்நுட்ப மாற்றங்களைப் புரிந்துகொண்டு செயல்படுவது அவசியமாகும்.