கள்ளக்குறிச்சி மாவட்டம் உளுந்தூர்பேட்டையில் விடுதலைச் சிறுத்தைகள் கட்சி சார்பில் மதுஒழிப்பு மற்றும் பெண்கள் உரிமை மாநாடு நடைபெற்றது. கட்சியின் தலைவர் தொல். திருமாவளவன் தலைமை தாங்கிய இம்மாநாட்டில், கட்சியின் துணைப் பொதுச்செயலாளரும் சட்டமன்ற உறுப்பினருமான வன்னி அரசு கட்சியின் மாநில, மாவட்ட நிர்வாகிகள் மற்றும் ஆயிரக்கணக்கான தொண்டர்கள் பெருந்திரளாகக் கலந்துகொண்டனர்.
மாநாட்டுத் திடலுக்கு வருகை தந்த தொல். திருமாவளவன், அங்கிருந்த மேடையில் சுடர் ஒளியை ஏந்தி தொண்டர்களுக்குக் காண்பித்தார். அப்போது கட்சியின் துணைப் பொதுச்செயலாளர் வன்னி அரசுவும் சுடர் ஒளியைப் பிடிக்க முயன்றபோது, திருமாவளவன் அவரது கையைத் தட்டிவிட்டுத் தானே சுடரை ஏந்திப் பிடித்தார். இந்தக் காட்சிகள் அடங்கிய வீடியோ சமூக வலைத்தளங்களில் வெளியாகி, அரசியல் வட்டாரத்தில் விவாதப் பொருளாக மாறியுள்ளது.
இம்மாநாட்டில் தொண்டர்களின் கூட்டம் கட்டுக்கடங்காமல் கூடியதால், மேடையைச் சுற்றிலும் தொண்டர்கள் முண்டியடித்தனர். இதனால் மாநாட்டுத் திடலில் பெரும் பரபரப்பு ஏற்பட்டதுடன், திருமாவளவன் தனது உரையைத் திட்டமிட்டபடி முழுமையாகப் பேச முடியாமல் சுருக்கமாக முடித்துக் கொள்ளும் சூழல் உருவானது. பவுன்சர்களும் பாதுகாப்புப் படையினரும் கூட்டத்தைக் கட்டுப்படுத்த பெரும் சிரமப்பட்டனர்.
மேலும், விசிக தற்போது திமுக கூட்டணியில் தொடர்கிறது. தமிழக வெற்றிக் கழகத்துடன் (தவெக) விசிக கூட்டணி வைத்துள்ளதாகப் பரவும் தகவல்கள் முற்றிலும் வதந்தியே ஆகும். மாநாட்டில் பேசிய திருமாவளவன், கட்சியின் வளர்ச்சி மற்றும் மதுஒழிப்புத் தேவைக் குறித்தே உரையாற்றினார் என்பது குறிப்பிடத்தக்கது.
அமெரிக்காவில் மிக அதிக சம்பளம் தந்த கார்ப்பரேட் மார்க்கெட்டிங் வேலையைத் துறந்து, நாய்களை நடைப்பயிற்சிக்கு அழைத்துச் செல்லும் தொழிலை தொடங்கிய…
ஹைதராபாத்தின் மலாக்பேட் பகுதியில் உள்ள அக்பர் பாஹ் இடத்தில் பட்டப்பகலில் பரபரப்பான ஒரு திருட்டு சம்பவம் நடந்துள்ளது. அங்கே நிறுத்தப்பட்டிருந்த…
கொடூரமாகக் கடத்தப்பட்டு ஏழு ஆண்டுகள் இருண்ட உலகிற்குள் முடக்கப்பட்ட ஒரு சிறுமி, கொரோனா பெருந்தொற்று காலத்தில் துணிச்சலாகத் தப்பித்துத் தன்…
பொதுவெளியில் பெற்றோர்களுக்கிடையே நிகழும் வன்முறைச் சம்பவங்கள், அங்கிருக்கும் குழந்தைகளை வெறும் பார்வையாளர்களாக மட்டும் வைப்பதில்லை; மாறாக, அவர்களின் மன உலகைப்…
ஒரு நாள், கடுமையான பசியால் வாடிய பிச்சைக்காரன் ஒருவன், மிகுந்த சிரமப்பட்டு தனக்காகச் சேகரித்த சிறிதளவு உணவை வைத்திருந்தான். அப்போது,…
தமிழ்நாட்டில் அரசியல் களம் சூடுபிடித்துள்ள நிலையில், திமுக மற்றும் தவெக இடையேயான மோதல் புதிய கட்டத்தை எட்டியுள்ளது. முதல்வர் விஜய்…