நாசிக்கில் சாதுக்கள் வேடத்தில் வந்து முதியவர் ஒருவரிடம் நட்பாகப் பழகி, அவருடைய இரண்டு தங்க மோதிரங்களைத் திருடிச் சென்ற இரண்டு நபர்களைக் காவல்துறையினர் கைது செய்துள்ளனர்.
குற்றம் சாட்டப்பட்டவர்களைப் பிடிக்கக் காவல்துறையினர் சுற்றியுள்ள பகுதிகளில் இருந்த 45 கண்காணிப்பு கேமரா காட்சிகளைத் தீவிரமாக ஆய்வு செய்தனர். கேமரா பதிவுகளின் தடத்தைப் பின்தொடர்ந்து சென்ற போலீசார், மத்தியப் பிரதேச மாநிலத்தில் நர்மதை ஆற்றங்கரையில் உள்ள கல்ஹாத் என்ற இடத்தில் வைத்து இருவரையும் கைது செய்தனர்.
https://twitter.com/nextminutenews7/status/2096923545368703048/video/1
கைது செய்யப்பட்டவர்களிடமிருந்து ரூ. 2.80 லட்சம் மதிப்பிலான உருக்கப்பட்ட தங்கம் பறிமுதல் செய்யப்பட்டுள்ளது. இதையடுத்து, நீதிமன்றத்தில் ஆஜர்படுத்தப்பட்ட இருவரையும் இரண்டு நாட்கள் போலீஸ் காவலில் வைத்து விசாரிக்க நாசிக் நீதிமன்றம் உத்தரவிட்டுள்ளது.