பீகாரின் தர்பங்கா பகுதியில் காதலுக்காக வீட்டெல்லையைத் தாண்டி நீதிமன்றத் திருமணம் செய்துகொண்ட இந்த இளம் ஜோடியின் கதை, இப்போது சமூக வலைத்தளங்களில் வைரலாகி வருகிறது. இருவரும் முறைப்படி திருமணம் முடித்த கையோடு, தங்களின் திருமணத்தைப் பதிவு செய்து இன்ஸ்டாகிராமில் வெளியிட்ட வீடியோதான் இந்த ஒட்டுமொத்த சம்பவத்திற்கும் மையப்புள்ளியாக மாறியுள்ளது.
அந்த வீடியோவில், காதலனைப் கரம்பிடித்த மகிழ்ச்சியும் நிம்மதியும் பெண்ணின் முகத்தில் தெளிவாகத் தெரிகிறது. ஆனால், அதே வீடியோவில் இருக்கும் இளைஞனின் கண்களிலோ ஒருவித அச்சமும், ஆழ்ந்த வலியும் இழையோடுவதைக் காண முடிகிறது. ‘இருவரும் விரும்பித்தான் திருமணம் செய்துகொண்டார்களா?’ அல்லது பின்னணியில் ஏதேனும் மிரட்டல் இருக்கிறதா என்ற பல கேள்விகளை அவரது பார்வை எழுப்பியுள்ளது.
இந்தக் கதையின் மிகப்பெரிய திருப்புமுனையாக, சமூக வலைத்தள வீடியோக்களை சாட்சியமாகவோ அல்லது அதிகாரப்பூர்வ வாக்குமூலமாகவோ ஏற்றுக்கொள்ள முடியாது என காவல் துறை அதிரடியாக மறுத்துவிட்டது. சட்டப்பூர்வ விசாரணை மற்றும் நேரடி வாக்குமூலத்தின் அடிப்படையிலேயே அடுத்தகட்ட நடவடிக்கை அமையும் என்பதால், இந்தத் தர்பங்கா காதல் ஜோடியின் வாழ்க்கை அடுத்ததாக எந்தப் பாதையை நோக்கி நகரப்போகிறது என்ற எதிர்பார்ப்பு இணையவாசிகளிடையே அதிகரித்துள்ளது.