குடும்ப உறுப்பினர்களிடையே தேவையின்றி ஏற்படும் சண்டை சச்சரவுகள், ஒற்றுமையின்மை மற்றும் திடீர் பதற்றம் ஆகியவை வீட்டில் எதிர்மறை ஆற்றல் பரவியிருப்பதன் முதன்மை அறிகுறிகளாகும். மேலும், எலக்ட்ரானிக் பொருட்கள் அடிக்கடி பழுதாவது, பொருட்கள் கீழே விழுவது, இரவில் தூக்கமின்மை, கெட்ட கனவுகள், வீட்டில் இருக்கும்போது மட்டும் சோர்வாக உணர்வது, வளர்ப்புச் செடிகள் சட்டென வாடுவது, பிராணிகளின் அசாதாரண நடத்தை மற்றும் வீட்டின் மூலைகளில் நிலவும் கனத்த உணர்வு ஆகியவை இதன் முக்கிய சமிக்ஞைகளாக ஜோதிட நிபுணர்களால் சுட்டிக்காட்டப்படுகின்றன.
வீட்டில் ஆற்றல் சமநிலையற்று இருக்கும்போது, நல்ல வருமானம் வந்தாலும் பணம் தங்காமல் ஏதேனும் ஒரு ரூபத்தில் வீண் செலவுகள் வந்துகொண்டே இருக்கும். இது வீட்டின் சூழலைப் பாதித்து, தவறான முடிவுகளை எடுக்க வைப்பதுடன் மன அழுத்தத்தையும் அதிகரிக்கும். மேலும், வீட்டில் இருக்கும்போது மன அமைதியின்மை, வீட்டை விட்டு வெளியே செல்லத் தோன்றுவது மற்றும் குடும்ப உறுப்பினர்களிடையே இடைவெளி உருவாகி நிம்மதி குறையக்கூடும்.
எதிர்மறை ஆற்றலை விலக்க வீட்டை எப்போதும் சுத்தமாகவும், நற்சாற்றோட்டம் மற்றும் சூரிய ஒளி நன்கு வருமாறும் வைத்துக்கொள்ள வேண்டும். கல் உப்பு கரைத்த நீரால் தரையைத் துடைப்பது, சாம்பிராணி அல்லது தூபம் போடுவது போன்ற எளிய முறைகள் வீட்டில் உள்ள கெட்ட ஆற்றலை அகற்றும். மேலும், காலையில் சூரிய ஒளி வீட்டுக்குள் வருமாறு பார்த்துக்கொண்டு, தினசரி விளக்கேற்றி கணபதி அல்லது லட்சுமி தேவியை வழிபடுவது வீட்டில் அமைதி, ஆரோக்கியம் மற்றும் நேர்மறை ஆற்றலை (Positive Energy) அதிகரிக்கும்.