சட்டம் பயின்றவர்களுக்கு இந்திய ராணுவத்தில் வேலைவாய்ப்பு… முழு விவரங்கள் இதோ…

இந்திய ராணுவத்தில் வேலை பார்ப்பதற்கு பலருக்கு விருப்பம் இருக்கலாம். ஆனால் அவர்கள் அறிவிப்பு வெளியாகும் நேரத்தில் தான் நாம் அதற்கான முயற்சிகளை எடுக்க முடியும். தற்போது இந்திய ராணுவத்தில் சட்டம் பயின்றவர்களுக்கு வேலை வாய்ப்பு இருப்பதாக அறிவிப்பு வெளியாகியிருக்கிறது. அதன் முழு விவரங்கள் என்ன என்பதை பற்றி இனி காண்போம்.

இந்திய ராணுவத்தில் லெப்டினென்ட் JAG entry scheme ( 35th Law Graduates Course) பயின்றவர்களுக்கு வேலைவாய்ப்பு இருக்கிறது. இந்த பணிக்கான மொத்த காலியிடங்கள் 8 ஆண்கள் நான்கு பெண்கள் நான்கு .1. 7. 2024 தேதியின்படி விண்ணப்பிப்பவர்களின் வயது 21 முதல் 27க்குள் இருக்க வேண்டும்.

கல்வி தகுதியாக குறைந்தது 55 சதவீதம் மதிப்பெண்களுடன் எல்எல்பி பட்டம் பெற்று பார் கவுன்சிலில் பதிவு செய்திருக்க வேண்டும் அல்லது ஒருங்கிணைந்த ஐந்து வருட சட்டப் படிப்பை முடித்திருக்க வேண்டும். மேலும் முதுநிலை சட்டப் படிப்புக்கான LLM CLAT 2024 நுழைவு தேர்வினை எழுதி தேர்ச்சி பெற்றிருக்க வேண்டும். இப்பணிக்கான நேர்முக தேர்வின் போது இளநிலை சட்டப் படிப்பு சான்றிதழ்களுடன் CLAT தேர்வு மதிப்பெண் சான்றிதழ்களையும் இணைத்து சமர்ப்பிக்க வேண்டும்.

எஸ் எஸ் பியால் நடத்தப்படும் நேர்முகத் தேர்வின் அடிப்படையில் விண்ணப்பதாரர்கள் தேர்ந்தெடுக்கப்படுவர். பெங்களூரு போபால் அகமதாபாத் ஆகிய மையங்களில் நேர்முக தேர்வு நடைபெறும். பணிக்கு தேர்ந்தெடுக்கப்படுபவர்களுக்கு சென்னையில் உள்ள ராணுவ அதிகாரிகள் பயிற்சி மையத்தில் 49 வாரங்கள் பயிற்சி அளிக்கப்படும்.

பின்னர் ஆறு மாதங்கள் இந்திய ராணுவத்தின் சட்டப்பிரிவில் பயிற்சி அளிக்கப்படும். இந்த பயிற்சி அக்டோபர் 2025 இல் தொடங்கும். பின்னர் லெப்ட்நெண்ட் அந்தஸ்தில் ராணுவ வழக்கறிஞராக பணியமர்த்தப்படுவர். இந்தப் பணிக்கு விண்ணப்பிப்பதற்கு www.joinindianarmy. nic. in என்ற இணையதளம் மூலம் ஆன்லைனில் விண்ணப்பிக்கலாம். விண்ணப்பிக்க கடைசி நாள் 28. 11. 2024 ஆகும்.