அந்தமான் மற்றும் நிக்கோபார் நிர்வாகம், ஸ்வராஜ் தீவில் உள்ள புகழ்பெற்ற ராதாநகர் கடற்கரையில் உலகின் மிகப்பெரிய நீருக்கடியில் தேசியக் கொடியை ஏற்றி புதிய கின்னஸ் உலக சாதனை படைத்துள்ளது. சுமார் 60க்கு 40 மீட்டர் அளவுள்ள பிரம்மாண்டமான மூவர்ணக் கொடியானது, கடற்படை, கடலோரக் காவல்படை, வனத்துறை மற்றும் காவல்துறை ஆகியவற்றின் ஒருங்கிணைந்த முயற்சியால் கடலுக்கு அடியில் வெற்றிகரமாக நிலைநிறுத்தப்பட்டது. இந்த வரலாற்றுச் சிறப்புமிக்க நிகழ்வை கின்னஸ் உலக சாதனைகளின் நடுவர் ரிஷி நாத் முறைப்படி உறுதி செய்து, துணைநிலை ஆளுநர் டி.கே. ஜோஷியிடம் சான்றிதழை வழங்கினார்.
இந்தச் சிக்கலான ஸ்கூபா டைவிங் நடவடிக்கையில் 200-க்கும் மேற்பட்ட மூழ்காளர்கள் பங்கேற்றனர். இதில் குறிப்பாக 14 முதல் 16 வயதுடைய பள்ளி மாணவர்களான ஃபதே ஜஹான் சிங், லாவண்யா ஈரா மற்றும் ரன்விஜய் சிங் ஆகியோர் மிக இளைய பங்கேற்பாளர்களாகக் கலந்துகொண்டு சாதனை படைத்தனர். நீருக்கடியில் தேசியக் கொடியைப் பிடித்திருந்தது தங்களுக்குப் பெரும் உணர்ச்சிகரமான மற்றும் பெருமிதமான தருணம் என்று இந்த மாணவர்கள் நெகிழ்ச்சியுடன் தெரிவித்தனர்.
சாகசச் சுற்றுலா மற்றும் கடல்சார் நடவடிக்கைகளில் அந்தமான் தீவுகளின் உலகளாவிய அந்தஸ்தை இந்தச் சாதனை உயர்த்தியுள்ளதாக அதிகாரிகள் தெரிவித்தனர். இதனைத் தொடர்ந்து, ஞாயிற்றுக்கிழமையன்று ஸ்வராஜ் தீவில் உள்ள லைட்ஹவுஸ் டைவ் தளத்தில் ‘மிக உயரமான மனித அடுக்கு’ (Tallest Human Pyramid) என்ற மற்றொரு கின்னஸ் உலக சாதனையை நிகழ்த்தவும் நிர்வாகம் திட்டமிட்டுள்ளது. இத்தகைய முயற்சிகள் தீவுகளின் தனித்துவமான திறமைகளை உலகிற்கு பறைசாற்றுவதாக துணைநிலை ஆளுநர் பாராட்டு தெரிவித்தார்.
VIDEO | The Andaman and Nicobar Administration set a Guinness World Record by unfurling the largest underwater national flag at Radhanagar Beach, Swaraj Dweep. Lt. Governor D.K. Joshi and senior officials witnessed the event, which was officially confirmed by a Guinness World… pic.twitter.com/h4hN14dg5L
— Press Trust of India (@PTI_News) May 2, 2026