ஹரியானா மாநிலம் குருகிராமில் உள்ள சில தனியார் நிறுவனங்களின் பணிச் சூழல் குறித்து இளம் பெண் ஒருவர் வெளியிட்டுள்ள வீடியோ சமூக வலைதளங்களில் தீயாய் பரவி வருகிறது. அந்த வீடியோவில், அங்குள்ள நிறுவனங்களில் ஊழியர்கள் எதிர்கொள்ளும் கடுமையான பணிச்சுமை மற்றும் மன அழுத்தம் குறித்து அவர் அடுக்கடுக்கான புகார்களை முன்வைத்துள்ளார்.
குறிப்பாக, நிர்ணயிக்கப்பட்ட நேரத்தைத் தாண்டி நீண்ட நேரம் வேலை செய்ய வற்புறுத்தப்படுவதாகவும், ஊழியர்களை நடத்தும் விதம் மிகவும் மோசமாக இருப்பதாகவும் அவர் குற்றம் சாட்டியுள்ளார். தொடர்ச்சியான வேலைப்பளு காரணமாக ஊழியர்களால் தங்களது தனிப்பட்ட வாழ்க்கையில் கவனம் செலுத்த முடிவதே இல்லை என்றும், இது அவர்களின் மனநலத்தைப் பாதிப்பதாகவும் அவர் ஆதங்கத்துடன் தெரிவித்துள்ளார்.
हरियाणा के गुड़गांव से जुड़ा एक वीडियो इन दिनों सोशल मीडिया पर तेजी से वायरल हो रहा है। इस वीडियो में एक युवती ने वहां की कुछ कंपनियों के अंदरूनी माहौल और कर्मचारियों की स्थिति को लेकर कई गंभीर बातें सामने रखने की कोशिश की है। वीडियो में युवती ने दावा किया है कि कंपनियों में काम… pic.twitter.com/bzeBW3YoBf
— MOHSEEN SHAIKH (@mohseenshkh7) April 19, 2026
இந்த வீடியோ இணையத்தில் பெரும் விவாதத்தைக் கிளப்பியுள்ளது. பல ஊழியர்கள் அந்தப் பெண்ணின் கருத்தை ஆதரித்து, தாங்களும் இதே போன்ற சூழலைச் சந்திப்பதாகக் கமெண்ட் செய்து வருகின்றனர். அதே சமயம், ஒரு தரப்பினர் இது ஒருதலைப்பட்சமான கருத்து என்றும், எல்லா நிறுவனங்களும் இப்படி இருப்பதில்லை என்றும் பதிவிட்டு வருகின்றனர். குருகிராம் போன்ற கார்ப்பரேட் நகரங்களில் நிலவும் நிதர்சனமான நிலையை இந்த வீடியோ பிரதிபலிப்பதாகப் பலரும் கருத்து தெரிவித்து வருகின்றனர்.