போடு அடிய… பெற்றோருக்கு பெரிய பிரச்சினை… மாணவர்கள் இதை செய்தால் கடும் நடவடிக்கை…! அமைச்சர் கொடுத்த வார்னிங்… தமிழக அரசின் அதிரடி முடிவு…!!!

செங்கல்பட்டு மாவட்டம் ஊரப்பாக்கம் அருகே அமைந்துள்ள அரசு ஆதிதிராவிடர் நலப் பள்ளியில், தனியார் பங்களிப்புடன் புதிதாகக் கட்டப்பட்ட வகுப்பறைகள் திறப்பு விழா நடைபெற்றது. இதில் தமிழக சபாநாயகர் ஜே.சி.டி பிரபாகர், அமைச்சர்கள் ராஜ்மோகன், வன்னி அரசு, சரத்குமார், செங்கல்பட்டு சட்டமன்ற உறுப்பினர் தியாகராஜன் மற்றும் அரசுத் துறை சார்ந்த அதிகாரிகள் பலர் சிறப்பு அழைப்பாளர்களாகக் கலந்துகொண்டு புதிய வகுப்பறைகளைத் திறந்து வைத்தனர்.

நிகழ்ச்சிக்குப் பிறகு செய்தியாளர்களிடம் பேசிய தமிழக பள்ளிக் கல்வித்துறை அமைச்சர் ராஜ்மோகன், பள்ளி மாணவர்கள் சைக்கிள் ஓட்டலாம் என்றும், ஆனால் எந்தக் காரணம் கொண்டும் இருசக்கர வாகனங்களை ஓட்டக் கூடாது என்றும் கூறினார். மீறி மாணவர்கள் பைக் ஓட்டுவது கண்டறியப்பட்டால், அவர்களின் பெற்றோர்கள் மீது கடுமையான சட்ட நடவடிக்கை எடுக்கப்படும் என எச்சரித்த அவர், இதுகுறித்து பெற்றோர்கள் விழிப்புணர்வுடன் இருக்க வேண்டும் என வலியுறுத்தினார்.

தொடர்ந்து பேசிய அமைச்சர், சமூகத்தில் நடக்கும் பல குற்றங்களுக்கு போதையே முதன்மைக் காரணமாக இருப்பதாகக் குறிப்பிட்டார். பல ஆண்டுகளாகப் பரவியுள்ள இந்தப் போதை கலாச்சாரத்தை அரசு படிப்படியாகக் களைந்து வருகிறது என்றார். பள்ளி மாணவர்களின் பாதையில் போதைப்பொருள் இருக்கக் கூடாது என்ற நோக்கில், பல்லாயிரம் கோடி ரூபாய் வருவாய் இழப்பு ஏற்பட்டாலும் பரவாயில்லை எனத் துணிச்சலாக 716 டாஸ்மாக் கடைகள் மூடப்பட்டிருப்பதாக அவர் தெரிவித்தார்.