தமிழக வெற்றிக் கழக தலைவர் விஜய் வாரந்தோறும் சனிக்கிழமைகளில் பரப்புரை மேற்கொண்டு வருகிறார். அந்தவகையில் இன்று நாமக்கல், கரூரில் இன்று பரப்புரை மேற்கொள்கிறார். சென்னையில் இருந்து தனி விமானத்தில் திருச்சி வந்தடைந்த தவெக தலைவர் விஜய், கார் மூலம் நாமக்கல் புறப்பட்டார். பின்பு நாமக்கல், கரூரில் இன்று பரப்புரை மேற்கொள்கிறார்.
இந்நிலையில் தவெக தொண்டர் ஒருவர் விஜய்யை எப்படியாவது பார்க்க வேண்டும் என்ற எண்ணத்தில் விபரீத செயலில் ஈடுபட்டுள்ளார். இன்று காலை போலி அடையாள அட்டையோடு திருச்சி விமான நிலையத்திற்குள் புகுந்துள்ளார். இதை கண்டுபிடித்த பாதுகாப்பு படையினர், அவரை துப்பாக்கி முனையில் தடுத்து நிறுத்தி தீவிரமாக விசாரணை நடத்தினர். பின், விஜய்யை பார்ப்பதற்காக இப்படி செய்ததாக கூறியுள்ளார். பின்னர் கடும் எச்சரிக்கைக்கு பின் அனுப்பி வைக்கப்பட்டார்.