பீகார் மாநிலம் பாட்னா அருகே உள்ள பர்சா பஜார் பகுதியில், 3 வயது சிறுமி ஒருவரை அவரது மாமா மற்றும் நண்பர்களால் கூட்டுப் பாலியல் வன்கொடுமைக்கு உள்ளாக்கப்பட்டுள்ள கொடூரமான சம்பவம் நிகழ்ந்துள்ளது. போதைக்கு அடிமையான 22 வயதுடைய அந்த நபர், தனது மூன்று வயது மருமகளை வீட்டிலிருந்து தூக்கிச் சென்று இந்த அத்துமீறலில் ஈடுபட்டுள்ளார். இந்தச் செயலில் மற்றுமொரு குற்றவாளியான என்பவரும் ஈடுபட்டுள்ளார், இவருக்கு ஏற்கனவே 7 வயதில் ஒரு பெண் குழந்தை இருப்பது குறிப்பிடத்தக்கது.
பாதிக்கப்பட்ட சிறுமி தற்போது பாட்னாவில் உள்ள மருத்துவமனையின் தீவிர சிகிச்சைப் பிரிவில் (ICU) அனுமதிக்கப்பட்டு, உயிருக்கு ஆபத்தான நிலையில் சிகிச்சை பெற்று வருகிறார். அவருக்கு நேர்ந்த கொடூரமான தாக்குதலால் உடலில் பலத்த காயங்கள் ஏற்பட்டுள்ளதாக மருத்துவர்கள் தெரிவித்துள்ளனர். இந்தச் சிறுமிக்குத் தேவையான உயர்தர சிகிச்சைகள் வழங்கப்பட்டு வருகின்றன.
இந்தக் கொடூரமான சம்பவம் தொடர்பாக, சிறுமியின் மாமா மற்றும் ஜித்தேந்திரா ஆகிய இருவரைப் போலீசார் கைது செய்துள்ளனர். தலைமறைவாக உள்ள மற்றொரு நபரைத் தேடும் பணி தீவிரமாக நடைபெற்று வருகிறது. இந்த வழக்கை விசாரிக்கும் காவல்துறையினர், குற்றவாளிகளுக்கு எதிராகக் கடுமையான சட்டப் பிரிவுகளின் கீழ் வழக்குப் பதிவு செய்துள்ளனர். இந்தச் சம்பவம் அந்தப் பகுதியில் பெரும் அதிர்ச்சியையும் சோகத்தையும் ஏற்படுத்தியுள்ளது. பாதிக்கப்பட்ட சிறுமிக்கும் அவரது குடும்பத்தாருக்கும் உரிய நீதி கிடைக்க வேண்டும் என்று சமூக ஆர்வலர்கள் வலியுறுத்தி வருகின்றனர்.