“திரிஷா செய்வாரா என யோசித்தேன்!”… விஜய் அம்மா முன் மேடையிலேயே உண்மையை உடைத்த ஆசிரியை… உச்சகட்ட வைரல்…!!!

தென்னிந்திய திரையுலகின் முன்னணி நடிகையான திரிஷா, சமீபகாலமாக நடிகர் விஜய்யுடன் இணைந்து பொது நிகழ்ச்சிகளில் பங்கேற்பது சமூக வலைதளங்களில் பெரும் விவாதப் பொருளாகியுள்ளது. இந்த சூழலில், திரிஷாவின் பள்ளி கால வாழ்க்கை மற்றும் அவரது வளர்ச்சி குறித்து அவரது வகுப்பு ஆசிரியை ஒரு விழாவில் நெகிழ்ச்சியுடன் பகிர்ந்துள்ள தகவல்கள் தற்போது வைரலாகி வருகின்றன. குறிப்பாக, திரிஷாவின் இன்றைய வெற்றிக்கு அவரது அம்மாவின் அர்ப்பணிப்புதான் மிக முக்கிய காரணம் என்பதை ஆசிரியை அந்த மேடையில் சுட்டிக்காட்டியுள்ளார்.

திரிஷாவின் பள்ளி பருவத்தில், அவரது தாய் அவரை பள்ளி வாசல் வரை அழைத்து வந்து விடுவதோடு மட்டுமல்லாமல், அவர் வகுப்பறைக்குள் செல்லும் வரை கேட் அருகிலேயே காத்திருப்பாராம். திரிஷா பள்ளியில் படிக்கும்போது படிப்பைத் தாண்டி விளையாட்டுத் துறையிலும் மிகச் சிறப்பாகச் செயல்பட்டதாக ஆசிரியை குறிப்பிட்டுள்ளார். குறிப்பாக, ‘ஃபீல்டு ஸ்போர்ட்ஸ்’ போட்டிகளில் ஆர்வமுடன் பங்கேற்கும் திரிஷா, ஒரு சிறந்த ‘ஹை ஜம்ப்’ (High Jump) வீரராகப் பள்ளி காலத்தில் திகழ்ந்தவர் என்ற புதிய தகவலையும் அவர் பகிர்ந்துள்ளார்.

ஆங்கிலம் கலந்த தமிழை ‘துஷ் புஷ்’ என்று பேசும் திரிஷா, பொன்னியின் செல்வன் படத்தில் ‘குந்தவை’ போன்ற கனமான கதாபாத்திரத்தில் எப்படி தூய தமிழில் வசனம் பேசப்போகிறார் என்று அவரது ஆசிரியை ஆரம்பத்தில் சந்தேகப்பட்டுள்ளார். ஆனால், படத்தில் அவரது அபாரமான நடிப்பையும் தமிழ் உச்சரிப்பையும் கண்டு வியந்து போனதாக, நடிகர் விஜய்யின் தாயார் ஷோபா சந்திரசேகர் முன்னிலையிலேயே அந்த ஆசிரியை பாராட்டியுள்ளார். இது திரிஷாவின் கடின உழைப்பிற்கு சான்றாக அமைந்துள்ளதாக ரசிகர்கள் நெகிழ்ந்து வருகின்றனர்.