கரூரில் கடந்த ஆண்டு நடைபெற்ற கூட்ட நெரிசல் சம்பவத்தில் உயிரிழந்தவர்களின் குடும்பத்தினருக்கு தமிழக அரசு வழங்கிய அரசுப் பணி நியமனங்களை உயர் நீதிமன்ற மதுரை கிளை ரத்து செய்து உத்தரவிட்டுள்ளது. வரிசையில் பலர் காத்திருக்கும் போது இவர்களுக்கு எவ்வாறு முன்னுரிமை வழங்க முடியும் என்று கேள்வி எழுப்பிய நீதிமன்றம், இந்த அரசாணையை அதிரடியாக செல்லாது என அறிவித்தது.
இந்நிலையில், உயர் நீதிமன்றத்தின் இந்தத் தீர்ப்பை எதிர்த்து தமிழ்நாடு அரசு நாளை உச்ச நீதிமன்றத்தில் மேல்முறையீடு செய்யத் திட்டமிட்டுள்ளதாக அமைச்சர் நிர்மல்குமார் தெரிவித்துள்ளார். பாதிக்கப்பட்ட குடும்பங்களுக்கு உரிய நீதி மற்றும் நிவாரணம் கிடைப்பதை உறுதி செய்வதற்காக சட்ட நிபுணர்களுடன் ஆலோசித்து அவசியமான அனைத்து மேல்நடவடிக்கைகளும் எடுக்கப்படும் என்றும் அவர் குறிப்பிட்டுள்ளார்.