பத்தாம் வகுப்பு படித்து வந்த சிறுமி லதா, கடந்த ஜூலை 28-ஆம் தேதி இரவில் அவரது சொந்த மாமா ஜெய் பிரகாஷ் என்பவரால் கொடூரமான முறையில் சித்திரவதை செய்யப்பட்டு கொலை செய்யப்பட்டதாகக் கூறப்படும் சம்பவம் பெரும் அதிர்ச்சியை ஏற்படுத்தியுள்ளது. உள்ளூரைச் சேர்ந்த ஒரு இளைஞருடன் லதா பழகி வந்ததை அவரது மாமா கடுமையாக எதிர்த்துள்ளார். இந்த நட்பின் மீதான ஆத்திரத்தில், சிறுமி லதாவின் கால்களில் ஈவுஇரக்கமின்றி இரும்பு ஆணிகளை அடித்த ஜெய் பிரகாஷ், அதன் பின்பு அவரை கழுத்தை நெரித்து படுகொலை செய்துள்ளதாகத் தகவல்கள் தெரிவிக்கின்றன.
இந்தக் கொடூரக் குற்றத்தை மறைத்து, தடயங்களை முழுமையாக அழிக்கும் நோக்கில் அவர் மிகத் திட்டமிட்டு செயல்பட்டுள்ளார். கொலை செய்யப்பட்ட லதாவின் உடலை தனது சொந்த விவசாய நிலத்திலேயே சுமார் 6 அடி ஆழத்திற்கு குழி தோண்டி ஜெய் பிரகாஷ் புதைத்துள்ளார். மேலும், சான்றுகளை அழிப்பதற்காகவும், உடல் விரைவில் மட்கிப்போக வேண்டும் என்பதற்காகவும் குழியில் உடலின் மீது அதிக அளவில் உப்பைக் கொட்டி மூடியுள்ள அதிர்ச்சிகரமான தகவலும் இந்தச் சம்பவத்தில் வெளிவந்துள்ளது.