“நக கீறல்கள்… சாகும் வரை சித்திரவதை…” தற்கொலை செய்து கொண்டதாக கூறப்பட்ட மாணவி இறப்பில் திடீர் திருப்பம்…. நெஞ்சை உலுக்கும் பகீர் சம்பவம்…!!

பீகார் மாநிலத்தில் நீட் தேர்வுக்காகப் படித்து வந்த மாணவி ஒருவர், காய்ச்சலால் தற்கொலை செய்துகொண்டதாகக் காவல்துறையினர் கூறிய நிலையில், அவர் கூட்டுப் பாலியல் வன்கொடுமை செய்யப்பட்டுப் படுகொலை செய்யப்பட்டது பிரேதப் பரிசோதனையில் அம்பலமாகியுள்ளது. பாட்னாவில் உள்ள விடுதி ஒன்றில் தங்கிப் படித்து வந்த அந்த மாணவி, கடந்த 9-ஆம் தேதி மயக்க நிலையில் மீட்கப்பட்டுச் சிகிச்சை பலனின்றி உயிரிழந்தார். அவரது உடலில் நகக்கீறல்கள், ஆழமான காயங்கள் மற்றும் அந்தரங்க உறுப்புகளில் ஏற்பட்ட ரத்தப்போக்கு ஆகியவை உயிர் பிரியும் வரை சித்திரவதை அனுபவித்ததை  உறுதிப்படுத்துவதாக மருத்துவர்கள் திடுக்கிடும் தகவலை வெளியிட்டுள்ளனர்.

இந்தத் தாக்குதலில் ஒன்றுக்கும் மேற்பட்ட நபர்கள் ஈடுபட்டிருக்கலாம் என்று சந்தேகிக்கப்படும் நிலையில், தற்போது விடுதி உரிமையாளர் மனிஷ் குமார் கைது செய்யப்பட்டுள்ளார். மாணவி உயிரிழந்தபோது முறையான விசாரணை நடத்தாமல் வழக்கை மறைக்க முயன்ற காவல்துறை அதிகாரிகள் மீது நடவடிக்கை எடுக்க வேண்டும் என அரசியல் தலைவர்கள் வலியுறுத்தி வருகின்றனர். இந்த கொடூர சம்பவத்தைக் கண்டித்துப் போராட்டங்கள் வெடித்துள்ளதால், உண்மையை கண்டறிய உயர்மட்ட சிறப்புப் புலனாய்வுக் குழுவை அமைத்து பீகார் டிஜிபி உத்தரவிட்டுள்ளார்.