உத்தரப் பிரதேசத்தின் முசாபர்நகர் பகுதியில், தனது மாமாவின் இறுதிச் சடங்கில் கலந்துகொள்வதற்காகச் சென்றுகொண்டிருந்த 55 வயதான ரெஹானா என்ற பெண், சாலையைக் கடக்க முயன்றபோது அதிவேகமாக வந்த டிப்பர் லாரி மோதி விபத்துக்குள்ளானார். லாரியின் சக்கரத்தில் சிக்கிய அவர், சம்பவ இடத்திலேயே பரிதாபமாக உயிரிழந்தார்.
இந்தத் துயரச் சம்பவத்தின் திடுக்கிடும் சிசிடிவி காட்சிகள் தற்போது சமூக வலைதளங்களில் பரவி பெரும் அதிர்ச்சியை ஏற்படுத்தியுள்ளன. அந்த வீடியோவில், பெண் சாலையைக் கடக்க முயலும் போது, மிக வேகமாக வரும் டிப்பர் லாரி அவர் மீது மோதிச் செல்வது தெளிவாகப் பதிவாகியுள்ளது.
https://twitter.com/IndiaToday/status/2114332813814284289/video/1
இச்சம்பவம் குறித்து வழக்குப் பதிவு செய்துள்ள காவல்துறையினர், விபத்தை ஏற்படுத்திய டிப்பர் லாரியைக் பறிமுதல் செய்துள்ளனர். மேலும், தலைமறைவாக உள்ள லாரி ஓட்டுநரைப் பிடிப்பதற்கும், விபத்துக்கான காரணம் குறித்தும் தீவிர விசாரணையைத் தொடங்கியுள்ளனர்.