பாகிஸ்தானுக்கு மேக்ரான் வைத்த ‘செக்’..? பிரதமர் மோடியை வரவேற்க ஒலிக்கப்பட்ட பாடல்.. பின்னணியில் இருக்கும் பகீர் அரசியல் என்ன? நெட்டிசன்கள் கண்டுபிடித்த அந்த ரகசியம்..!!

ஜி7 உச்சிமாநாட்டிற்கு முன்னதாக பிரான்ஸ் சென்றுள்ள இந்தியப் பிரதமர் நரேந்திர மோடி, அந்நாட்டு அதிபர் இம்மானுவேல் மேக்ரானைச் சந்தித்துப் பேசினார். இந்த உயர்மட்டச் சந்திப்பில் இரு நாடுகளுக்கும் இடையிலான இருதரப்பு உறவுகள், சிவில் அணுசக்தி ஒத்துழைப்பு மற்றும் மேம்பட்ட மட்டு உலைகள் (modular reactors) உள்ளிட்ட பல்வேறு முக்கியத் துறைகள் குறித்து இரு தலைவர்களும் விரிவான ஆலோசனை நடத்தினர். மேலும், இந்தியாவின் அணுசக்தித் துறையில் நேரடியாகப் முதலீடு செய்யுமாறு பிரான்ஸ் நிறுவனங்களுக்கு இந்தியா முறைப்படி அழைப்பு விடுத்துள்ளது.

இந்த முக்கியத் தூதரகச் சந்திப்புகளுக்கு மத்தியில், அதிபர் மேக்ரானின் அதிகாரப்பூர்வ இன்ஸ்டாகிராம் பக்கத்தில் பகிரப்பட்ட வீடியோ ஒன்று இணையத்தில் வேகமாக வைரலாகி வருகிறது. பிரான்சின் நைஸ் (Nice) நகருக்கு வருகை தந்த பிரதமர் மோடியை அதிபர் மேக்ரான் அன்போடு வரவேற்கும் காட்சிகள் அந்த வீடியோவில் இடம்பெற்றிருந்தன. இதில் அனைவரின் கவனத்தையும் ஈர்த்த விஷயம் என்னவென்றால், அந்த வீடியோவின் பின்னணியில் அண்மையில் வெளியான பாலிவுட் திரைப்படமான ‘துரந்தர்’ படத்தின் பிரபல்யமான பாடல் இசையை மேக்ரான் பயன்படுத்தியிருந்ததுதான்.

https://www.instagram.com/reel/DZkhBYotu75/?utm_source=ig_web_copy_link&igsh=MzRlODBiNWFlZA==

பிரான்ஸ் அதிபரின் இந்தத் தேர்வு இந்திய சமூக வலைத்தளப் பயனர்களிடையே பெரும் விவாதத்தையும் நெகிழ்ச்சியையும் ஏற்படுத்தியுள்ளது. உலக அரங்கில் இந்தியாவிற்கு ஆதரவளிக்கும் ஒரு குறியீட்டு சைகையாகவும், குறிப்பாக பாகிஸ்தான் போன்ற அண்டை நாடுகளுக்கு எதிரான இந்தியாவின் உறுதியான நிலப்பாட்டைக் மறைமுகமாகக் குறிப்பிடும் ஒரு “பவர் மூவ்” (power move) ஆகவும் நெட்டிசன்கள் இதைப் பார்க்கின்றனர். இரு நாட்டுத் தலைவர்களுக்கும் இடையே வளர்ந்து வரும் நெருக்கமான நட்புறவைப் பாராட்டிப் பலரும் தங்களது கருத்துக்களை இணையத்தில் பகிர்ந்து வருகின்றனர்.