“வேலை முடிந்து வீடு திரும்பிய கணவன்… உள்ளே மனைவிக்கு நேர்ந்த கதி…! உ.பியில் அரங்கேறிய கொடூரம்…!”

உத்தர பிரதேச மாநிலம் ஹத்ராஸ் மாவட்டத்தில் உள்ள நக்லா பூரா கிராமத்தில் இந்த கொடூர சம்பவம் நிகழ்ந்துள்ளது. அங்குள்ள ஒரு வீட்டில் 24 வயது மதிக்கத்தக்க இளம்பெண் ஒருவர், நபர் ஒருவரால் கழுத்தை நெரித்து படுகொலை செய்யப்பட்டுள்ளார். அந்தப் பெண்ணைக் கொலை செய்த பிறகு, சம்பந்தப்பட்ட அந்த நபரும் அதே அறையில் தூக்கிட்டுத் தற்கொலை செய்து கொண்டதாகக் கூறப்படுகிறது.

இச்சம்பவம் நடந்த அன்று மாலையில், பெண்ணின் கணவரான விபின் குமார் தனது வேலையை முடித்துவிட்டு வீட்டிற்குத் திரும்பியுள்ளார். அப்போது வீட்டின் கதவு உள்பக்கமாகப் பூட்டப்பட்டிருந்தது. அவர் நீண்ட நேரமாக பலமுறை கதவைத் தட்டியும் உள்ளே இருந்து எவ்வித பதிலும் வரவில்லை. இதனால் சந்தேகமடைந்த அவர், கதவை உடைத்துப் பார்த்தபோதுதான் இந்த அதிர்ச்சியூட்டும் சம்பவம் வெளிச்சத்திற்கு வந்தது.

வீட்டிற்குள் தனது மனைவி கழுத்து நெரிக்கப்பட்ட நிலையிலும், மற்றொரு நபர் தூக்கில் தொங்கிய நிலையிலும் சடலமாகக் கிடப்பதைக் கண்டு விபின் குமார் அதிர்ச்சியடைந்தார். இச்சம்பவம் குறித்து உடனடியாக காவல்துறைக்குத் தகவல் தெரிவிக்கப்பட்டது. சம்பவ இடத்திற்கு விரைந்து வந்த போலீசார், இருவரின் உடல்களையும் கைப்பற்றி பிரேதப் பரிசோதனைக்கு அனுப்பி வைத்தனர். அந்த நபர் யார், கொலை மற்றும் தற்கொலைக்கான காரணம் என்ன என்பது குறித்து போலீசார் தீவிர விசாரணை நடத்தி வருகின்றனர்.