தமிழ் சினிமாவின் முன்னணி நடிகர்களில் ஒருவராக வலம் வருபவர் நடிகர் மாதவன். இவர் நடிப்பில் மற்றும் இயக்கத்தில் வெளிவந்த ராக்கெட்டரி திரைப்படம் ரசிகர்கள் மத்தியில் நல்ல வரவேற்பை பெற்றது. நடிகர் மாதவன் இயக்குனராக அறிமுகமான முதல் திரைப்படம் இதுதான். கடந்த வருடம் ஜூலை மாதம் திரைக்கு வந்த இந்த திரைப்படம் இஸ்ரோ விஞ்ஞானி நம்பி நாராயணனின் வாழ்க்கையை மையமாகக் கொண்டு எடுக்கப்பட்டது.
இந்தத் திரைப்படத்தை இயக்கியது மட்டுமல்லாமல் நம்பி நாராயணன் கதாபாத்திரத்தில் நடிகர் மாதவன் நடித்திருந்தார். இதில் மாதவனுடன் நடிகர் சூர்யா மற்றும் ஷாருக்கான் ஆகிய நடிகர்களும் கேமியோ ரோலில் நடித்தனர். தமிழ் சினிமாவில் இயக்குனராக அறிமுகமான தன்னுடைய முதல் படத்திலேயே தேசிய விருதும் வென்றார் நடிகர் மாதவன். சமீபத்தில் ராக்கெட்டரி திரைப்படத்துக்கு தேசிய விருது அறிவிக்கப்பட்டது நாம் அனைவரும் அறிந்ததே.
ராக்கெட்ரி படத்திற்காக சிறந்த இயக்குனருக்கான தேசிய விருது கிடைத்துள்ளதை அடுத்து அவர் இஸ்ரோ விஞ்ஞானி நம்பி நாராயணனுடன் வந்து இன்று காலை திருப்பதி ஏழுமலையான் கோவிலில் சாமி தரிசனம் செய்தார். தற்பொழுது இதுதொடர்பான வீடியோ இணையத்தில் வெளியாகி ரசிகர்களால் அதிகம் ஷேர் செய்யப்பட்டு வருகிறது. இதோ அந்த வீடியோ…