ஐயோ என்ன கொடுமை சார் இது… நான் உங்க வீட்டுக்குள்ள வந்து சிகரெட் குடிக்கவா?… பெண்ணிடம் உபர் ஊழியர் கேட்ட அதிர்ச்சி கேள்வி… கொந்தளிக்கும் நெட்டிசென்கள்…!

பெங்களூரைச் சேர்ந்த பிரபல சமூக வலைதளத் தாக்கம் ஏற்படுத்துபவர் ஒருவர், உபர் பார்சல் டெலிவரி ஊழியரால் தனக்கு ஏற்பட்ட அதிர்ச்சிகரமான அனுபவத்தைச் சமூக வலைதளத்தில் பகிர்ந்துள்ளார். அவர் தனது வீட்டிலிருந்து ஒரு பொருளை அனுப்ப உபர் பார்சல் சேவையை முன்பதிவு செய்துள்ளார். அப்போது அங்கு வந்த டெலிவரி ஊழியர், அந்தப் பெண்ணிடம் “நான் உங்கள் வீட்டிற்குள் வந்து சிகரெட் புகைத்துக் கொள்ளலாமா?” என்று கேட்டு அதிர்ச்சி அளித்துள்ளார்.

தனியாக இருக்கும் ஒரு பெண்ணின் வீட்டிற்குள் நுழைந்து, இதுபோன்ற பாதுகாப்பற்ற மற்றும் மரியாதையற்ற கேள்வியைக் கேட்ட அந்த ஊழியரின் செயல் அப்பெண்ணுக்கு மிகுந்த பயத்தையும் கவலையையும் ஏற்படுத்தியது. உடனடியாகச் சமயோசிதமாகச் செயல்பட்ட அவர், அந்த நபரை வீட்டை விட்டு வெளியேறுமாறு கூறி நிலைமையைக் கையாண்டுள்ளார். பின்னர், இந்தச் சம்பவத்தை இணையத்தில் பகிர்ந்து, தனியாக இருக்கும் பெண்கள் டெலிவரி ஊழியர்களிடம் எச்சரிக்கையாக இருக்க வேண்டியதன் அவசியத்தை வலியுறுத்தினார்.

https://www.instagram.com/reel/Dbi4uHmyL5T/?utm_source=ig_web_button_share_sheet

இந்தச் சம்பவம் சமூக வலைதளங்களில் பரவி பெரும் விவாதத்தைக் கிளப்பியுள்ளது. வீடுகளுக்கே வந்து சேவை வழங்கும் நிறுவனங்கள் தங்கள் ஊழியர்களின் பின்னணியைச் சரிபார்ப்பதும் வாடிக்கையாளர்களின் பாதுகாப்பை உறுதி செய்வதும் எவ்வளவு முக்கியம் என்பதை இது உணர்த்துகிறது. மேலும், சம்பந்தப்பட்ட டெலிவரி ஊழியர் மீது உபர் நிறுவனம் கடுமையான நடவடிக்கை எடுக்க வேண்டும் என்றும் இணையவாசிகள் கோரிக்கை விடுத்து வருகின்றனர்.