அடி மேல் அடி வாங்கும் ஜனநாயகன் பட தயாரிப்பு நிறுவனம்… நடிகர் விஜய் படத்தை தொடர்ந்து இந்த படத்திலும் இப்படி ஒரு சிக்கலா?

நடிகர் விஜய் நடித்த ஜனநாயகன் படத்தை பெங்களூருவை சேர்ந்த கேவிஎன் புரடக்சன் நிறுவனம் தயாரித்தது. ஆனால் சென்சார் பிரச்சனை காரணமாக பொங்கலுக்கு வெளிவர வேண்டிய ஜனநாயகன் படம் இன்னும் ரிலீஸ் ஆகாமல் கிடப்பில் போடப்பட்டுள்ளது. 500 கோடி ரூபாய் பட்ஜெட்டில் உருவான விஜய் படம் ரிலீஸ் ஆகாமல் தாமதம் நீடிக்கிறது. வருகிற சட்டசபை தேர்தலுக்குப் பிறகு ஜூன் மாதம் தான் ஜனநாயகன் படம் ரிலீஸ் ஆகும் என்ற தகவல் வெளியாகி உள்ளது. அதனால் இந்த படத்தை தயாரித்த கேவிஎன் புரடக்சன்ஸ் நிறுவனம் அப்செட்டில் இருந்து வருகிறது.

இதற்கிடையே இந்நிறுவனம் தயாரித்த 2வது படம் டாக்ஸிக். கேஜிஎஃப் பட நாயகன் யஷ் நடித்த இந்த படம் வருகிற மார்ச் 19ம் தேதி ரிலீஸ் என அறிவிக்கப்பட்டது. ஆனால் அதே நாளில் துரந்தர் 2 படம் ரிலீஸ் ஆக உள்ளதால் டாக்ஸிக் படத்துக்கு இந்தியா முழுவதும் போதிய தியேட்டர்கள் கிடைப்பதில் சிக்கல் ஏற்பட்டுள்ளது. மேலும் துரந்தர் முதல் பாகம் ஏற்கனவே பிளாக்பஸ்டர் ஹிட் ஆன நிலையில் துரந்தர் 2 படத்துக்கும் ரசிகர்கள் மத்தியில் பெரிய வரவேற்பு இருப்பதால் டாக்ஸிக் படத்தின் வசூலும் கடுமையாக பாதிக்கப்படும் சூழல் உருவாகியுள்ளது. இதனால் கேவிஎன் தயாரிப்பு நிறுவனம் அடிமேல் அடி வாங்கி வருகிறது.