“கணவன் கறுப்பு நிறம் பிடிக்கவில்லை”.. கள்ளக்காதலனுடன் சேர்ந்து மனைவி போட்ட ஸ்கெட்ச்… மத்திய பிரதேசத்தில் அதிர வைக்கும் சம்பவம்…!!!

மத்தியப் பிரதேச மாநிலம் தார் மாவட்டத்தில், மிளகாய் வியாபாரி தேவ்கிருஷ்ணா கொல்லப்பட்ட வழக்கில் அவரது மனைவி பிரியங்காவே மூளையாகச் செயல்பட்டது காவல்துறை விசாரணையில் அம்பலமாகியுள்ளது. தனது கணவரின் கறுப்பு நிறத்தை வெறுத்த பிரியங்கா, அவர் தனக்குத் தகுதியானவர் அல்ல என்றும், தன்னைவிட அழகான மற்றும் புத்திசாலியான ஆண் வேண்டும் என்றும் அடிக்கடி கூறி வந்துள்ளார். இந்த அழகின் கர்வமும், கம்லேஷ் என்ற நபருடனான ஒன்பது ஆண்டுகால முறையற்ற உறவுமே, ஒரு லட்ச ரூபாய் கொடுத்து கணவனைத் தீர்த்துக்கட்டும் கொடூர எண்ணத்திற்கு அவரைத் தூண்டியுள்ளது.

பத்னாவரில் தங்கியிருந்தபோது தன் காதலன் கம்லேஷுடன் இணைந்து இந்தக் கொலைத் திட்டத்தைத் தீட்டிய பிரியங்கா, சுரேந்திர பாட்டி என்ற கூலிப்படையினரை அமர்த்தினார். சம்பவத்தன்று குடும்பத்தினர் உணவில் மயக்க மருந்து கலந்து கொடுத்துவிட்டு, கொலையாளி உள்ளே வர கதவைத் திறந்து வைத்துள்ளார். கணவன் ஆழ்ந்த உறக்கத்தில் இருந்தபோது சுரேந்திரா அவரைத் தலையில் தாக்கிப் படுகொலை செய்தார். அந்த நேரத்தில் பிரியங்காவின் காதலன் கம்லேஷ் வெளியிலேயே நின்று அனைத்தையும் கண்காணித்து வந்துள்ளார்.

கொலைக்குத் திட்டம் தீட்டியது மட்டுமன்றி, முகமூடி கொள்ளையர்கள் வந்து கணவனைக் கொன்றுவிட்டுச் சென்றதாகக் கூறி பிரியங்கா நாடகமாடினார். இருப்பினும், காவல்துறையினர் தொழில்நுட்ப ஆதாரங்கள் மற்றும் வாட்ஸ்அப் உரையாடல்களை ஆய்வு செய்தபோது உண்மை வெளிச்சத்திற்கு வந்தது. கணவனின் அன்பையும் நம்பிக்கையையும் துரோகத்தால் சிதைத்த பிரியங்காவையும் அவரது காதலனையும் போலீசார் கைது செய்துள்ளனர்; தலைமறைவாக உள்ள கூலிப்படையினரைத் தேடி வருகின்றனர்.