ரீல்ஸ் மோகம்… ரயிலுக்கு அடியில் படுத்துக்கொண்டு வீடியோ வெளியிட்ட நபர்… காண்போரை பதைபதைக்க வைக்கும் வீடியோ…!

இன்றைய காலகட்டத்தில் சிறுவர்கள் தொடங்கி பெரியவர்கள் வரை அனைவருமே செல்போன் பயன்படுத்த தொடங்கிவிட்டனர். காலை எழுந்தாலே செல்போன் தேடக்கூடிய காலம் தான் இன்று உள்ளது. குறிப்பாக செல்போன்பயன்படுத்தக் கூடியவர்களில் பெரும்பாலானோர் ரீல்ஸ் செய்து வீடியோக்களை வெளியிடுகின்றனர். மற்றவர்களுடன் நாம் பதிவிடும் வீடியோக்கள் தான் மக்களை கவரும் வகையில் இருக்க வேண்டும் என்ற எண்ணத்தில் புதுப்புது ஐடியாக்களை யோசித்து ரீல்ஸ் வெளியிடுகிறார்கள்.

லைக்ஸ் வாங்க வேண்டும், பிரபலமாக வேண்டும் என்ற வெறி பலரை முட்டாள்களாக மாற்றி வருகிறது. ஒரு சில லைக்குக்காக உயிரையே பனையம் வைத்து வருகிறார்கள். அதன்படி ரயில் தண்டவாளத்தில் ஒரு வாலிபர் ரயிலுக்கு அடியில் படுத்துக்கொண்டு வீடியோ வெளியிட்டுள்ளது அதிர்ச்சியை ஏற்படுத்தியுள்ளது. ரயில் வரும் நேரத்தில் தண்டவாளத்தில் அந்த வாலிபர் படுத்துக்கொள்ளும் நிலையில் அவருக்கு மேல் ரயில் செல்கிறது. இது சாகசம் அல்ல, முட்டாள்தனம் என இவரைப் போன்றவர்களுக்கு புரியாதா? உங்களையெல்லாம் என்னதான்டா செய்கிறது என நெட்டிசன்கள் வீடியோவை பார்த்து கடுமையாக திட்டி தீர்த்து வருகிறார்கள்.