“அட கடவுளே… அறுவை சிகிச்சை தையல் கூட பிரியல… அதுக்குள்ள வேலைக்கு வா..!” ஓராண்டு விடுப்பு எடுக்காத ஊழியரை வற்புறுத்திய மேலாளர்… நெட்டிசன்களை கொந்தளிப்பு…!!

சமூக வலைத்தளங்களில் சமீபத்தில் வைரலாகி வரும் ஒரு அதிர்ச்சிகரமான பதிவு, இன்றைய கார்ப்பரேட் வேலை கலாச்சாரத்தின் கொடூரமான பக்கத்தை வெளிச்சம் போட்டுக் காட்டியுள்ளது. பிரபல நட்சத்திரங்களுக்கு மார்க்கெட்டிங் செய்யும் கடுமையான பிரிவில் பணியாற்றி வரும் ஊழியர் ஒருவர், கடந்த ஓராண்டாக ஒரு நாள் கூட விடுமுறை எடுக்காமல் உழைத்துள்ளார். பயணங்களின் போது கூட தொடர்ந்து வேலை செய்து வந்த அவர், எப்படியாவது இந்த வேலையில் நிலைத்து நின்றுவிட வேண்டும் என்பதில் மிகுந்த உறுதியோடு இருந்துள்ளார்.

இப்படிப்பட்ட சூழ்நிலையில்தான், அவருக்கு எதிர்பாராதவிதமாக திடீரென ஒரு அவசர அறுவை சிகிச்சை செய்ய வேண்டிய கட்டாயம் ஏற்பட்டுள்ளது. ஆனால், மனிதாபிமானமற்ற முறையில் அவரது மேலாளர், அறுவை சிகிச்சை செய்து கொண்ட அன்றைய தினமே அவரை உடனடியாக வேலைக்கு வருமாறு வற்புறுத்தியுள்ளார். உடல்நிலை மிக மோசமாக இருக்கும் நிலையிலும், மேலாளரிடமிருந்து வந்த இந்த கடுமையான அழுத்தம் அந்த ஊழியரை பெரும் அதிர்ச்சிக்கும் மன உளைச்சலுக்கும் உள்ளாக்கியுள்ளது.

இந்த விவகாரம் சமூக வலைத்தளங்களில் பகிரப்பட்டதைத் தொடர்ந்து, பலரும் அந்த மேலாளரின் இரக்கமற்ற செயலுக்கு எதிராக தங்களது கண்டனங்களை குவித்து வருகின்றனர். நிறுவனங்கள் ஊழியர்களின் உழைப்பை சுரண்டுவதோடு மட்டுமல்லாமல், அவர்களது அவசர மருத்துவத் தேவைகளை கூட மதிக்காமல் நடப்பது அநீதியானது என்று நெட்டிசன்கள் கொந்தளித்து வருகின்றனர். இந்த சம்பவம், தற்போதைய கார்ப்பரேட் உலகில் ஊழியர்களின் நல்வாழ்வை விட நிறுவனத்தின் இலக்குகளுக்கே அதிக முக்கியத்துவம் தரப்படுகிறது என்பதை மீண்டும் ஒருமுறை நிரூபித்துள்ளது.