ஆந்திரப் பிரதேச மாநிலத்தில் மீண்டும் ஒரு சோகமான சம்பவம் நிகழ்ந்துள்ளது. மான்யம் மாவட்டம் அனசபத்ராவில் உள்ள ஏகலவ்யா மாதிரி குடியிருப்புப் பள்ளியில் பயின்று வந்த 7-ஆம் வகுப்பு மாணவன் சாவொர் அர்பித், திடீரென நினைவு தப்பிய நிலையில் கண்டெடுக்கப்பட்டான். பள்ளி நிர்வாகம் உடனடியாக அவனை மீட்டு சிகிச்சைக்காக தோக்கிசீலி ஆரம்ப சுகாதார நிலையத்திற்கு அவசர அவசரமாக அழைத்துச் சென்றது.
அங்கு முதலுதவி அளிக்கப்பட்டதைத் தொடர்ந்து, மேல் சிகிச்சைக்காக பார்வதிபுரம் மருத்துவமனைக்கு அந்த மாணவன் மாற்றம் செய்யப்பட்டான். எனினும், வழியிலேயே மாணவனின் உயிர் பிரிந்துவிட்டதாக அவனை பரிசோதித்த மருத்துவர்கள் உறுதி செய்தனர். இந்தத் தகவலை அறிந்த பெற்றோர் மற்றும் உறவினர்கள், மாணவனின் உடலைப் பார்த்து கதறி அழுத காட்சி அனைவரையும் சோகத்தில் ஆழ்த்தியுள்ளது.
https://twitter.com/Telugufeedsite/status/2100520847547257275/video/1
மாணவனின் இந்தச் சந்தேகத்திற்குரிய மரணம் குறித்து தகவலறிந்து வந்த காவல்துறையினர், வழக்கைப் பதிவு செய்து விசாரணை மேற்கொண்டு வருகின்றனர். பள்ளி வளாகத்தில் என்ன நடந்தது என்பது குறித்து விரிவான விசாரணை நடத்தப்பட்டு வரும் நிலையில், இச்சம்பவம் அப்பகுதியில் பெரும் பரபரப்பையும் அதிர்ச்சியையும் ஏற்படுத்தியுள்ளது.