ஸ்டாலினுக்கு ஓட்டு போட்டோம்… அந்த ஆளு எங்கே போனாரு..? தீவிரவாதிகளை போல நடத்துறாங்க… போராட்டத்தில் கொந்தளித்த செவிலியர்…!!

By Soundarya on மார்கழி 24, 2025

Spread the love

10 ஆண்டுகளுக்கும் மேலாகப் பணியாற்றி வரும் 8,000-க்கும் மேற்பட்ட செவிலியர்களைப் பணி நிரந்தரம் செய்ய வேண்டும், சம வேலைக்குச் சம ஊதியம் வழங்க வேண்டும் மற்றும் ஊதியத்துடன் கூடிய மகப்பேறு விடுப்பு அளிக்க வேண்டும் ஆகிய கோரிக்கைகளை வலியுறுத்தி செவிலியர்கள் போராட்டம் நடத்தி வருகிறார்கள். மக்கள் நல்வாழ்வுத்துறை அமைச்சர் மா. சுப்பிரமணியன் நடத்திய பேச்சுவார்த்தையில், முதற்கட்டமாக 723 செவிலியர்களுக்குப் பணி நிரந்தர ஆணை வழங்கப்படும் என்றும், மற்றவர்களின் கோரிக்கைகள் பரிசீலிக்கப்படும் என்றும் உறுதியளிக்கப்பட்டது.

இருப்பினும், அனைத்து செவிலியர்களையும் பணி நிரந்தரம் செய்யக் கோரி செவிலியர் சங்கங்கள் போராட்டத்தைத் தொடர்ந்து வருகின்றன. “நாங்கள் முதலமைச்சர் ஸ்டாலினுக்கு வாக்களித்தோம், இப்போது அவர் எங்கே? உங்கள் மோசடிகள் அனைத்தும் எங்களுக்குத் தெரியும். உண்மையை பேசத் தொடங்கினால் நீங்கள் சிறைக்குச் செல்ல வேண்டியிருக்கும். தேர்தல் வாக்குறுதிகளை நிறைவேற்றக் கேட்டதற்காக, செவிலியர்களைத் தீவிரவாதிகள் போல நடத்துவதை நிறுத்திக்கொள்ளுங்கள்,” என்று கைது செய்யப்பட்ட செவிலியர் ஆவேசமாகத் தெரிவித்தார்.