யாருக்கும் தெரியாத உயிரை காக்கும் ரகசியம்..! உங்கள் வீட்டு சிலிண்டரில் இந்த நம்பர் இருக்கா..? உடனே செக் பண்ணுங்க.. இணையத்தில் வைரலாகும் வீடியோ..!!

நமது அன்றாட வாழ்க்கையில் பயன்படுத்தும் எல்பிஜி (LPG) சிலிண்டர்களின் பாதுகாப்பை உறுதி செய்வது மிகவும் அவசியம். பலரும் சிலிண்டரின் மேல் பகுதியில் ஆங்கில எழுத்துக்களுடன் (A, B, C, D) கூடிய எண்களைக் கவனித்திருப்போம், ஆனால் அதன் அர்த்தம் பலருக்குத் தெரிவதில்லை. சமூக வலைதளங்களில் வைரலாகி வரும் வீடியோ ஒன்றில், சிலிண்டரின் ஆயுட்காலம் அல்லது சோதனைத் தேதியை (Expiry/Testing Date) எவ்வாறு கண்டறிவது என்பது குறித்து விளக்கப்பட்டுள்ளது. இந்த எழுத்துக்கள் ஒரு ஆண்டை நான்கு காலாண்டுகளாகப் பிரிக்கின்றன: ‘A’ என்பது ஜனவரி முதல் மார்ச் வரையிலும், ‘B’ என்பது ஏப்ரல் முதல் ஜூன் வரையிலும், ‘C’ என்பது ஜூலை முதல் செப்டம்பர் வரையிலும், ‘D’ என்பது அக்டோபர் முதல் டிசம்பர் வரையிலும் குறிக்கும். அந்த எழுத்தைத் தொடர்ந்து வரும் எண், அந்தச் சிலிண்டர் எந்த ஆண்டுக்குள் மீண்டும் சோதனை செய்யப்பட வேண்டும் என்பதைக் காட்டுகிறது.

உதாரணமாக, ஒரு சிலிண்டரில் ‘B-24’ என்று குறிப்பிடப்பட்டிருந்தால், அந்தச் சிலிண்டர் 2024-ம் ஆண்டின் இரண்டாவது காலாண்டிற்குள் (ஜூன் மாதத்திற்குள்) பாதுகாப்புச் சோதனைக்கு உட்படுத்தப்பட்டிருக்க வேண்டும். இவ்வாறு குறிப்பிடப்பட்டுள்ள காலம் முடிந்துவிட்டால், அந்தச் சிலிண்டரில் துருப்பிடித்தல் அல்லது கசிவு போன்ற பாதிப்புகள் ஏற்பட வாய்ப்புள்ளது. எனவே, சிலிண்டரைப் பெற்றுக்கொள்ளும் போது அதில் உள்ள இந்த குறியீட்டைச் சரிபார்த்து, காலாவதியான சிலிண்டர்களைத் தவிர்க்குமாறு அந்த வீடியோவில் விழிப்புணர்வு ஏற்படுத்தப்பட்டுள்ளது. பொதுமக்களுக்கு மிகவும் பயனுள்ள இந்தத் தகவல் தற்போது இணையத்தில் லட்சக்கணக்கான பார்வைகளைப் பெற்று வைரலாகி வருகிறது.