“உல்லாசத்திற்கு வந்த வியாபாரி.. காதலனைத் தீர்த்துக்கட்ட கணவனுடன் கைக்கோர்த்த கள்ளக்காதலி.. நெஞ்சப் பதறவைக்கும் பின்னணி”..!!

கர்நாடக மாநிலம் ராமநகர் மாவட்டம் பீடி காலனியைச் சேர்ந்த முகமது காசிம் (27) என்பவர், பழைய இரும்பு கடை வியாபாரம் செய்து வந்தார். இவரும், அதே பகுதியைச் சேர்ந்த அர்பியா கவுசர் என்பவரும் திருமணத்திற்கு முன்பாகக் காதலித்து வந்துள்ளனர். இதற்கிடையில், அர்பியா கவுசருக்கும் முகமது அக்பர் என்பவருக்கும் திருமணமாகி, அவர்கள் பெங்களூரு பேடராயனபுரா பகுதியில் வசித்து வந்தனர். திருமணத்திற்குப் பின்பும் சமூக வலைத்தளம் மூலமாக முகமது காசிமுடன் அர்பியா கவுசருக்கு மீண்டும் பழக்கம் ஏற்பட்டு, அது கள்ளத்தொடர்பாக மாறியுள்ளது.

இருவரும் அடிக்கடி தனிமையில் சந்தித்து வந்த நிலையில், கடந்த 25-ஆம் தேதி அர்பியா கவுசரின் வீட்டிற்கு முகமது காசிம் வந்துள்ளார். இதுகுறித்துத் தகவல் அறிந்த கணவர் முகமது அக்பர், தனது உறவினர்களுடன் சேர்ந்து அவர்கள் இருவரையும் கையும் களவுமாகப் பிடித்துள்ளார். இதனால் ஆத்திரமடைந்த அக்பர் மற்றும் அவரது உறவினர்கள் முகமது காசிமை கொடூரமாக அடித்துத் தாக்கியுள்ளனர். இதில் பலத்த காயமடைந்த காசிம், ராமநகர் அரசு மருத்துவமனையில் சிகிச்சை பலனின்றி பரிதாபமாக உயிரிழந்தார்.

இக்கொலைச் சம்பவம் குறித்து வழக்குப் பதிவு செய்த பேடராயனபுரா போலீசார் தீவிர விசாரணை நடத்தினர். விசாரணையில், முகமது அக்பரின் கள்ளத்தொடர்பை அவரது கணவர் கண்டித்தும் அர்பியா கவுசர் அதைக் கைவிடாததால், காசிமைத் தீர்த்துக்கட்ட அக்பர் திட்டமிட்டது தெரியவந்தது. மேலும், இக்கொலைக்கு முகமது காசிமின் கள்ளக்காதலியான அர்பியா கவுசரே உதவி செய்ததும் அம்பலமானது. இதனையடுத்து, அர்பியா கவுசர், அவரது கணவர் முகமது அக்பர் மற்றும் அவரது உறவினர்களான ஓவைஸ் வாசா, முகமது சாந்த் பாஷா ஆகிய 4 பேரையும் போலீசார் கைது செய்து சிறையில் அடைத்தனர்.