200 மாடுகள் பலி… 500 காலத்துச் சாபம்..! நள்ளிரவில் நடந்த சிறுவர்கள் திருமணம்.. பின்னணியில் இருக்கும் திக் திக் ரகசியம்…!!

ராஜஸ்தான் மாநிலம் பன்ஸ்வாரா மாவட்டத்திலுள்ள படோடியா கிராமத்தில், சுமார் 500 ஆண்டுகள் பழமையான ஒரு விசித்திரமான சாபத்திலிருந்து தப்பிக்க, நள்ளிரவில் இரண்டு சிறுவர்களுக்குத் திருமணம் செய்து வைக்கப்பட்ட சம்பவம் அரங்கேறியுள்ளது. ஹோலி பண்டிகைக்கு முந்தைய இரவு, சோலாரிக் காலத்தில் (ஆடி அல்லது புரட்டாசி போன்ற ஒரு காலம்) தூங்கிக் கொண்டிருந்த இரண்டு சிறுவர்களை எழுப்பி, ஒருவரை மணமகனாகவும் மற்றொருவரை மணமகளாகவும் அலங்கரித்து இத்திருமணம் நடத்தப்பட்டது.

இந்த வினோத மரபிற்குப் பின்னால் ஒரு நீண்ட வரலாறு உள்ளது. சுமார் 500 ஆண்டுகளுக்கு முன்பு, ‘கேர்’ (Kher) இனத்தினர் இக்கிராமத்தை விட்டு வெளியேறும்போது, இந்தத் திருமணச் சடங்கை நடத்தத் தவறினால் கிராமமே அழிந்துவிடும் என்று சாபமிட்டதாகக் கூறப்படுகிறது. சுமார் 90 ஆண்டுகளுக்கு முன்பு ஒருமுறை கடும் மழையால் இத்திருமணம் தடைப்பட்டபோது, கிராமத்தில் அக்கல் ஏற்பட்டதோடு 200-க்கும் மேற்பட்ட கறவை மாடுகள் திடீரென உயிரிழந்ததாகவும், அந்த அச்சத்தினால் இன்றும் இச்சடங்கைத் தொடர்வதாகவும் கிராம மக்கள் நம்புகின்றனர்.

இச்சடங்கு வெறும் நம்பிக்கையோடு நின்றுவிடாமல், சமூகச் சீர்திருத்தக் கருத்துகளையும் உள்ளடக்கியுள்ளது. திருமணத்தின் போது வளர்க்கப்படும் ஹோம குண்டத்தில் பிளாஸ்டிக், புகையிலை, பீடி போன்ற போதை வஸ்துக்களைப் போட்டு எரிப்பதன் மூலம் ‘போதைக்கு எதிரான’ செய்தியை மக்கள் பரப்புகின்றனர். மேலும், ‘மாமேரா’ (Mammera) எனப்படும் தாய்மாமன் சீர் சடங்கின் போது, மணமக்களுக்குப் பணம் மற்றும் நகைகளுடன் பேனா மற்றும் புத்தகங்களைப் பரிசாக அளித்து, வருங்காலத் தலைமுறைக்குக் கல்வியின் அவசியத்தையும் வலியுறுத்துகின்றனர்