BREAKING: கடன் தள்ளுபடி.. புதிதாக அறிவித்தார்… டிடிவி-யின் 120 வாக்குறுதிகளில் ஒளிந்திருக்கும் அந்த மாஸ்டர் பிளான்…!

அம்மா மக்கள் முன்னேற்றக் கழகத்தின் பொதுச்செயலாளர் டி.டி.வி. தினகரன், வரவிருக்கும் தேர்தலுக்காக 120 முக்கிய அம்சங்கள் அடங்கிய அதிரடியான தேர்தல் அறிக்கையை வெளியிட்டுள்ளார். இதில் விவசாயிகளின் நலன் கருதி கூட்டுறவு வங்கிகளில் பெறப்பட்ட விவசாயக் கடன் தள்ளுபடி, பொதுமக்களின் சுமையைக் குறைக்க மாதம் ஒருமுறை மின்சாரக் கட்டணம் செலுத்தும் முறை மற்றும் அரசு ஊழியர்களின் நீண்டகால கோரிக்கையான பழைய ஓய்வூதியத் திட்டம் மீண்டும் அமல்படுத்தப்படும் போன்ற கவர்ச்சிகரமான வாக்குறுதிகள் இடம்பெற்றுள்ளன.

மேலும், பொருளாதார மேம்பாட்டிற்காக ஆண்கள் சுய உதவிக்குழுக்கள் அமைத்து நிதி உதவி வழங்குதல், கல்வித் தரத்தை உயர்த்த தமிழகம் முழுவதும் கேந்திரிய வித்யாலயா பள்ளிகள் திறத்தல் மற்றும் வேலைவாய்ப்பில் மண்ணின் மைந்தர்களுக்கு முன்னுரிமை அளிக்கும் வகையில் அரசு மற்றும் தனியார் நிறுவனங்களில் 85% தமிழர்களுக்குப் பணி வழங்க நடவடிக்கை எடுக்கப்படும் என்பன போன்ற அறிவிப்புகள் அரசியல் களத்தில் பெரும் விவாதத்தை ஏற்படுத்தியுள்ளன.