தமிழக அரசியல் களத்தில் பரபரப்பை கிளப்பும் விதமாக சில நாட்களுக்கு முன்பு அதிமுகவிலிருந்து வெளியேற்றப்பட்ட முன்னாள் அமைச்சர் செங்கோட்டையன் புதிய கட்சியான தமிழக வெற்றி கழகம் கட்சியில் இணைந்தார். 50 ஆண்டுகால அரசியல் அனுபவம் கொண்ட இவர் மிகப்பெரிய திராவிட கட்சி ஆன அதிமுகவை பகைத்துக் கொண்டு ஒன்றரை வருடங்களுக்கு முன்பு தோன்றிய கட்சியை இணைந்தது அரசியல் வட்டாரத்தில் பரபரப்பை ஏற்படுத்தியது. அதிமுக ஒருங்கிணைய வேண்டும் என்ற கோரிக்கையை எடப்பாடி பழனிச்சாமி நிராகரித்த காரணத்தால் என்னைப் போன்ற மனநிலையில் உள்ள அனைவரும் ஒன்று சேர்ந்து ஒருங்கிணைப்பது பணிகளை மேற்கொள்வோம் என்று செங்கோட்டையன் கூறி இருந்தார்.
இதனால் அவர் தனி கட்சி தொடங்குவார் அல்லது ஓபிஎஸ் போல ஒருங்கிணைப்பு குழு ஒன்றை அமைப்பார் என்று எதிர்பார்த்த நிலையில் அதற்கு நேர் மாறாக விஜயின் தமிழக வெற்றிக்கலகம் கட்சியில் இணைந்து அங்கு அதிமுக ஒருங்கிணைப்பை மேற்கொள்வார் என்று யாரும் எதிர்பார்க்கவில்லை. இந்நிலையில் செங்கோட்டையன் கூறியது போல ஒருங்கிணைப்பு பணியை ஆரம்பித்து விட்டார். கோபிசெட்டிபாளையத்தில் தொடர்ந்து வெற்றி பெற்று வரும் எம்எல்ஏவான செங்கோட்டையன், தமிழகம் முழுவதும் அறிந்த அரசியல் தலைவர்களின் ஒருவர் ஆவார். அந்த அளவிற்கு கொங்கு மண்டலத்தில் தன்னுடைய செல்வாக்கை நிலை நிறுத்தியுள்ளார்.
இதனிடையே மாற்றுக் கட்சியினரை தொடர்ந்து தமிழக வெற்றிக்கழகம் கட்சியில் இணைத்துவரும் செங்கோட்டையன் அனுபவமிக்க பல முன்னாள் அமைச்சர்கள் தமிழக வெற்றி கழகம் கட்சியில் இணைவார்கள் என்று சமீபத்தில் பேட்டி அளித்திருந்தார். அதன்படி தற்போது ஓபிஎஸ் ஆதரவாளரான முன்னாள் அமைச்சர் வெல்லமண்டி நடராஜனருடன் அவர் பேச்சுவார்த்தை நடத்தியதாக தகவல் வெளியாகி உள்ளது. இதற்கு பதிலளித்த வெல்லமண்டி நடராஜன், வரும் டிசம்பர் 15ஆம் தேதி ஓபிஎஸ் முக்கிய முடிவை எடுக்க இருப்பதால் அதுவரை பொறுத்திருக்குமாறு செங்கோட்டையனிடம் கூறியுள்ளதாக தகவல் வெளியாகி உள்ளது.