“வீட்டை விட்டு ஓடிவந்து லாட்ஜில் தஞ்சம்.. 19 வயது காதலிக்கு நேர்ந்த கொடூரம்.. காதலன் செய்த ‘அந்த’ காரியம்.. ரூம்-க்குள் சிக்கிய 70 மாத்திரைகள்.. பதறவைக்கும் பின்னணி”..!!

திருச்சி அரியமங்கலம் பகுதியைச் சேர்ந்த 19 வயது இளைஞரான சதாம் உசேன், அதே பகுதியைச் சேர்ந்த யாஸ்மின் என்ற 19 வயது இளம்பெண்ணைக் காதலித்து வந்துள்ளார். கடந்த சில நாட்களுக்கு முன்பு வீட்டை விட்டு வெளியேறிய இந்த இளம் ஜோடி, திருச்சி ஜங்ஷன் ரவுண்டானா பகுதியில் உள்ள ஒரு தனியார் விடுதியில் கணவன்-மனைவி எனக் கூறி அறை எடுத்து தங்கியுள்ளனர். இந்நிலையில், ஜூன் 8ஆம் தேதி மாலை யாஸ்மினுக்கு திடீரென வலிப்பு ஏற்பட்டுள்ளது. உடனே சதாம் உசேன் தனது நண்பரான ஷேக் அப்துல்லாவின் உதவியோடு யாஸ்மினை திருச்சி அரசு மருத்துவமனைக்குக் கொண்டு சென்றுள்ளார். ஆனால், அங்கு அவரைப் பரிசோதித்த மருத்துவர்கள் யாஸ்மின் ஏற்கனவே இறந்துவிட்டதாகத் தெரிவித்துள்ளனர்.

தகவலறிந்து வந்த கண்டோன்மெண்ட் போலீசார் நடத்திய முதற்கட்ட விசாரணையில் அதிரவைக்கும் உண்மைகள் வெளிவந்துள்ளன. காதலனை நம்பி வந்த யாஸ்மினுக்கு, சதாம் உசேனும் அவரது நண்பர் ஷேக் அப்துல்லாவும் இணைந்து ‘டெபன்டாடல்’ (Tapentadol) என்ற போதை மாத்திரையைக் தண்ணீரில் கரைத்து, ஊசி மூலம் உடலில் செலுத்தியுள்ளனர். அளவுக்கு அதிகமான போதை மருந்து உடலில் ஏறியதே இளம்பெண்ணின் மரணத்திற்குப் பிரதான காரணம் என்பது தெரியவந்துள்ளது. இதையடுத்து சம்பந்தப்பட்ட விடுதி அறைக்குச் சென்ற போலீசார், அங்கிருந்து 70 போதை மாத்திரைகள், ஊசி, மருந்து கலக்கப் பயன்படுத்தப்பட்ட டீ கப்புகள் மற்றும் செல்போன் உள்ளிட்டவற்றை முக்கிய ஆதாரங்களாகப் பறிமுதல் செய்துள்ளனர்.

தற்போது காதலன் சதாம் உசேன் மற்றும் அவரது நண்பர் ஷேக் அப்துல்லா ஆகிய இருவரையும் போலீசார் பிடித்து தீவிர விசாரணை நடத்தி வருகின்றனர். இதற்கிடையே, உயிரிழந்த யாஸ்மினின் தாயார் ஷகிலாபேகம் போதை மாத்திரை விற்கும் கும்பலுடன் தொடர்பில் இருந்தவர் என்றும், அவர் மூலமாகவே இந்த மாத்திரைகள் கைமாறியிருக்கலாம் என்றும் போலீசாருக்கு ரகசியத் தகவல் கிடைத்துள்ளது. யாஸ்மின் பலாத்காரம் செய்யப்பட்டாரா, கொலை செய்யும் நோக்கில் இந்த ஊசி செலுத்தப்பட்டதா அல்லது வேறு ஏதேனும் பின்னணி உள்ளதா என்பது பிரேத பரிசோதனை அறிக்கை மற்றும் முழு விசாரணைக்கு பிறகே தெரியவரும் என போலீசார் தெரிவித்துள்ளனர்.