நஜீபாபாத்தில் பரபரப்பு.. ஓடும் ரயிலில் ஏற முயன்ற பெண்ணுக்கு நேர்ந்த கொடூரம்.. ரயில்வே ஸ்டேஷனில் பதறவைத்த நிமிடங்கள்.. நெஞ்சை உலுக்கும் வீடியோ..!!

உத்தரப் பிரதேச மாநிலம் நஜீபாபாத் ரயில் நிலையத்தில் நிகழ்ந்த ஒரு துயரச் சம்பவம் பொதுமக்களிடையே பெரும் சோகத்தை ஏற்படுத்தியுள்ளது. அங்குள்ள ரயில் நிலையத்திற்கு வந்த ஜன்சதாப்தி விரைவு ரயில் நகர்ந்து கொண்டிருந்தபோது, ஓடும் ரயிலில் ஏறுவதற்கு ஒரு பெண் தீவிரமாக முயற்சி செய்துள்ளார். அப்போது எதிர்பாராதவிதமாக அவரது கால் தடுமாறி, நிலைதடுமாறி ரயிலுக்கும் தண்டவாளத்திற்கும் இடைப்பட்ட குறுகிய இடைவெளியில் விழுந்து சிக்கிக்கொண்டார்.

இதனைப் பார்த்து அதிர்ச்சியடைந்த ரயில்வே மீட்புக் குழுவினர் மற்றும் அதிகாரிகள் சம்பவ இடத்திற்கு விரைந்து வந்து, அந்தப் பெண்ணை மீட்கப் போராடினர். வேறு வழியில்லாததால் பிளாட்பாரத்தின் (நடைமேடை) ஒரு பகுதியை உடைத்து, மிகக் கடினமான போராட்டத்திற்குப் பிறகு அந்தப் பெண்ணை மீட்டனர். உடனடியாக அவர் சிகிச்சைக்காக மருத்துவமனைக்குக் கொண்டு செல்லப்பட்டார். எனினும், உடலில் மிகக் கடுமையான காயங்கள் ஏற்பட்டதன் காரணமாக, மருத்துவமனைக்குச் செல்லும் வழியிலேயே அந்தப் பெண் பரிதாபமாக உயிரிழந்தார்.