தலை இல்லாமல் தென்னந்தோப்பில் கிடந்த வாலிபரின் சடலம்… ஊர் மக்களுக்கு காத்திருந்த பேரதிர்ச்சி… திடுக்கிடும் சம்பவம்…!

திண்டுக்கல் அருகே தென்னந்தோப்பில் தலையில்லாத வாலிபரின் உடல் மீட்கப்பட்ட சம்பவம் அதிர்ச்சியை ஏற்படுத்தியுள்ளது. திண்டுக்கல் மாவட்டம் ஆத்தூரை அடுத்த பழைய வக்கம்பட்டி பகுதியில் உள்ள தென்னந்தோப்பு ஒன்றில் தலை இல்லாத சடலம் கிடப்பதாக போலீசாருக்கு தகவல் கிடைத்துள்ளது. இதனைத் தொடர்ந்து சம்பவ இடத்திற்கு வரைந்த போலீசார் சடலத்தை கைப்பற்றி பிரயோத பரிசோதனைக்காக அனுப்பி வைத்தனர். தொடர்ந்து அப்பகுதியில் தீவிர சோதனையில் ஈடுபட்ட போது இறந்த நபர் மிக்கேல் பட்டியை சேர்ந்த சிவகுமார் என்பது தெரியவந்துள்ளது.

மேலும் அவர் எந்த காரணத்திற்காக கொலை செய்யப்பட்டார், அவரை யார் கொலை செய்தார்கள் என்பது குறித்த எந்த தகவலும் இதுவரை வெளியாகவில்லை. மேலும் அவருடைய உடலில் இருந்து துண்டிக்கப்பட்ட தலையையும் போலீசார் தேடி வருகின்றனர். தென்னந்தோப்பில் தலையில்லாத சடலம் மீட்கப்பட்ட சம்பவம் அந்த பகுதியில் பெரும் அதிர்ச்சியையும் பரபரப்பையும் கிளப்பியுள்ளது. இது தொடர்பாக வழக்கு பதிவு செய்துள்ள போலீசார் பல கோணங்களில் இந்த வழக்கு குறித்து தீவிரமாக விசாரித்து வருகிறார்கள்.