கண்ணீரை வரவழைக்கும் உண்மைக் காதல்..! “கடைசியா என் ஆசையை நிறைவேத்துங்க” என்ற மனைவியைச் சுமந்தபடி கோவிலில் காத்திருந்த கணவர்.. வைரலாகும் காட்சி..!

ஒடிசா மாநிலம் பூரி ஜெகந்நாதர் ஆலயத்தில், மனித நேயத்தையும் தீராத பக்தியையும் பறைசாற்றும் நெகிழ்ச்சியான காட்சி ஒன்று அரங்கேறியது. வயது முதிர்ந்த ஒரு பக்தர், நடக்க முடியாத நிலையில் நோய்வாய்ப்பட்டிருந்த தனது மனைவியைத் தனது தோள்களில் சுமந்தபடி நீண்ட வரிசையில் காத்திருந்து கோவிலுக்குள் அழைத்துச் சென்றார். தனது வாழ்நாளில் ஒருமுறையாவது ஜெகந்நாதரை நேரில் தரிசிக்க வேண்டும் என்ற மனைவியின் கடைசி ஆசையை நிறைவேற்றுவதற்காக, அந்த முதியவர் காட்டிய உறுதி அங்கிருந்த பக்தர்களைக் கண் கலங்கச் செய்தது.

சுயநலமற்ற அந்த அன்பையும், ஜெகந்நாதர் மீதான மாறாத நம்பிக்கையையும் கண்ட அங்கிருந்த மக்கள், அந்த முதியவரைப் போற்றிப் புகழ்ந்தனர். உடல் தளர்ந்திருந்தாலும், மனைவியின் விருப்பத்திற்காக மலையளவு சுமையைத் தாங்கிச் சென்ற அந்த முதியவரின் செயல், உண்மையான காதலுக்கும் பக்திக்கும் இலக்கணமாக அமைந்தது. இந்த மனதை உருக்கும் காணொளி சமூக வலைதளங்களில் வைரலாகி, “கலியுகத்தின் உண்மையான மனிதப் பண்பு இதுதான்” என பலரால் பாராட்டப்பட்டு வருகிறது.