“ஒரே கல்லில் இரண்டு மாங்காய்” மாப்பிள்ளை கோலத்தில் இருந்த இளைஞருக்கு வந்த கடிதம்… திருமண நாளிலேயே இப்படியொரு சந்தோஷமா..? இணையத்தைக் கலக்கும் வைரல் வீடியோ…!!

திருமண நாளும் அரசு வேலைக்கான நியமனக் கடிதமும் ஒரே நேரத்தில் கிடைத்த அபூர்வ நிகழ்வு குறித்த வீடியோ இணையத்தில் பலரின் இதயங்களை வென்று வருகிறது. அந்த வீடியோவில், திருமணச் சடங்குகளுக்காக மஞ்சள் தேய்த்து வேஷ்டி அணிந்த நிலையில் ஒரு இளைஞன் தனது வீட்டை விட்டு வெளியே வருகிறார். அப்போது தற்செயலாக அங்கு வந்த தபால்காரர், அந்த இளைஞனிடம் ஒரு கடிதத்தைக் கொடுத்து கையெழுத்துப் பெறுகிறார். தனது வாழ்வின் மிக முக்கியமான நாளில் வந்த அந்தத் தபாலில் என்ன இருக்கிறது என்று ஆவலுடன் பார்த்த அந்த இளைஞனுக்குப் பெரும் அதிர்ச்சியும் மகிழ்ச்சியும் காத்திருந்தது.

அந்தக் கடிதம் எல்லைப் பாதுகாப்புப் படையில் (BSF) சேருவதற்கான அதிகாரப்பூர்வ பணி நியமனக் கடிதமாகும். தனது திருமண நன்னாளில், நாட்டின் எல்லையைப் பாதுகாக்கும் கௌரவமான அரசுப் பணி கிடைத்ததைக் கண்டு அந்த இளைஞன் அடைந்த மகிழ்ச்சிக்கு எல்லையே இல்லை. கடின உழைப்பும் பொறுமையும் இருந்தால் அதிர்ஷ்டம் இரட்டிப்பாக வரும் என்பதை உணர்த்தும் இந்த வீடியோ, சமூக வலைதளங்களில் லட்சக்கணக்கானோரால் பகிரப்பட்டு வருகிறது. “ஒரே கல்லில் இரண்டு மாங்காய்” என்பது போல, இல்லற வாழ்வும் பொது வாழ்வும் ஒரே நாளில் தொடங்கிய அந்த இளைஞனுக்குப் பாராட்டுகள் குவிந்து வருகின்றன.