“பழைய சிம் கார்டுக்குள் ஒளிந்திருக்கும் தங்கம்” 191 கிராம் தங்கத்தை எடுத்து… ரூ.27 லட்சம் சம்பாதித்து உலகையே ஆச்சரியப்படுத்திய இளைஞர்… இணையத்தை அதிரவைத்த வீடியோ..!!

சீனாவின் குவாங்டாங்கைச் சேர்ந்த கியாவோ என்ற நபர், பழைய சிம் கார்டுகள் மற்றும் மின்னணு கழிவுகளைக் கொண்டு சுமார் 191 கிராம் தங்கத்தைப் பிரித்தெடுத்து உலகையே ஆச்சரியத்தில் ஆழ்த்தியுள்ளார். சுமார் இரண்டு டன் எடையுள்ள மின்-கழிவுகளைச் சேகரித்த அவர், வேதியியல் எதிர்வினைகள், வெப்பப்படுத்துதல் மற்றும் வடிகட்டுதல் போன்ற சிக்கலான அறிவியல் முறைகளைப் பயன்படுத்தி இந்தத் தங்கத்தைச் சுத்திகரித்துள்ளார். இதன் மதிப்பு சுமார் 27 லட்சம் ரூபாய் மதிப்புள்ளது.

சிம் கார்டுகள் துருப்பிடிக்காமல் இருக்கவும், சிறந்த இணைப்பிற்காகவும் பூசப்படும் மிக மெல்லிய தங்க முலாம் பூச்சுகளை அவர் இவ்வாறு பிரித்தெடுத்துள்ளார். இருப்பினும், இச்செயல்முறை தோன்றுவது போல எளிதானது அல்ல என்றும், பயன்படுத்தப்படும் ரசாயனங்கள் ஆரோக்கியத்திற்கும் சுற்றுச்சூழலுக்கும் மிகவும் ஆபத்தானவை என்றும் கியாவோ எச்சரித்துள்ளார். மேலும், இந்தியா மற்றும் சீனா போன்ற நாடுகளில் உரிய உரிமம் இன்றி மின்-கழிவுகளில் இருந்து உலோகங்களைப் பிரித்தெடுப்பது சட்டவிரோதமானது என்பதையும் அவர் சுட்டிக்காட்டியுள்ளார்.

கியாவோவின் வீடியோ வைரலான பிறகு, பழைய சிம் கார்டுகளுக்கான தேவை ஆன்லைன் ஷாப்பிங் தளங்களில் திடீரென அதிகரித்துள்ளது என்பதை அறிந்தால் நீங்கள் ஆச்சரியப்படுவீர்கள். தங்க சுத்திகரிப்பு கருவிகள் என்ற போர்வையில் அவை மிகக் குறைந்த விலையில் விற்கப்படுகின்றன. இருப்பினும், பயிற்சி இல்லாமல் இதைச் செய்வது பணத்தையும் ஆரோக்கியத்தையும் வீணடிப்பதாகும் என்று நிபுணர்கள் கூறுகின்றனர்.