ஊசிக்கு பயந்து உண்மையை மறைத்த சிறுமி.. 6 மாதங்களுக்குப் பிறகு பறிபோன உயிர்… மும்பை சிறுமிக்கு ஏற்பட்ட கதி யாருக்கும் வரக்கூடாது..!!

மும்பையில் ஊசி போடுவதற்குப் பயந்து நாய் கீறிய விவரத்தை மறைத்த சிறுமி, ஆறு மாதங்களுக்குப் பிறகு வெறிநாய்க்கடி நோயால் (Rabies) உயிரிழந்த சோக சம்பவம் நிகழ்ந்துள்ளது. அந்தச் சிறுமியை நாய் கீறியபோது, காயத்தின் தீவிரத்தை உணராத அவர், ஊசி மற்றும் வலிக்கு அஞ்சியதால் தனது பெற்றோரிடம் இது குறித்து எதுவும் கூறவில்லை. முறையான சிகிச்சை மற்றும் தடுப்பூசி செலுத்தப்படாததால், உடலில் பரவிய வைரஸ் மெல்ல மெல்ல தீவிரமடைந்துள்ளது.

சம்பவம் நடந்து ஆறு மாதங்கள் கடந்த நிலையில், திடீரென அந்தச் சிறுமிக்கு நீர் மற்றும் ஒளியைக் கண்டு பயப்படும் ‘ஹைட்ரோபோபியா’ (Hydrophobia) அறிகுறிகள் தென்படத் தொடங்கின. இதனால் பதற்றமடைந்த பெற்றோர்கள் அவரை உடனடியாக மருத்துவமனைக்கு அழைத்துச் சென்றனர். அங்கு தீவிர சிகிச்சை அளிக்கப்பட்ட போதிலும், ரேபிஸ் நோய் முற்றிய நிலையில் இருந்ததால் சிகிச்சை பலனின்றி அந்தச் சிறுமி பரிதாபமாக உயிரிழந்தார்.

இந்தச் சம்பவம் பொதுமக்களிடையே பெரும் சோகத்தையும் விழிப்புணர்வையும் ஏற்படுத்தியுள்ளது. செல்லப்பிராணிகளோ அல்லது தெரு நாய்களோ லேசாகக் கீறினாலும் அல்லது கடித்தாலும், பயப்படாமல் உடனடியாகப் பெற்றோரிடமோ அல்லது மருத்துவர்களிடமோ தெரிவிக்க வேண்டியதன் அவசியத்தை இச்சம்பவம் உணர்த்துகிறது. முறையான கால இடைவெளியில் ரேபிஸ் தடுப்பூசி எடுத்துக் கொள்வது மட்டுமே இத்தகைய உயிரிழப்புகளைத் தடுக்க ஒரே வழி என மருத்துவர்கள் எச்சரிக்கின்றனர்.