தினமும் நள்ளிரவு 12 மணி… பல ஆண்டுகளாகத் தொடரும்அந்த ஒரு கனவு… நள்ளிரவில் திடுக்கிட்டு எழுந்து அழும் சிறுமி… மருத்துவர்களுக்கே சவால் விடும் மர்மம்..!!

இந்தோனேசியாவைச் சேர்ந்த பினா என்ற சிறுமிக்கு, சிறுவயது முதலே ஒவ்வொரு இரவும் ஒரே மாதிரியான கனவு மீண்டும் மீண்டும் வருவது பெரும் வியப்பையும் அச்சத்தையும் ஏற்படுத்தியுள்ளது. வழக்கமான கனவுகளைப் போலன்றி, இவரது கனவில் எந்த மாற்றமும் இல்லாமல் பல ஆண்டுகளாகத் தொடர்ந்து ஒரே காட்சிகள் இடம்பெற்று வருகின்றன. இந்தக் விசித்திரமான நிகழ்வு பினாவின் அன்றாட வாழ்க்கையையே பாதிக்கும் நிலைக்குச் சென்றுள்ளது.

ஒவ்வொரு நாளும் சரியாக நள்ளிரவு 12 மணி ஆனவுடன், பினா திடீரெனத் திடுக்கிட்டு எழுந்துவிடுகிறார். அந்தத் தருணத்தில் அவருக்கு அதீத பயமும், சொல்லொணா பதற்றமும் (Anxiety) ஏற்படுவதாகக் கூறப்படுகிறது. இதற்காக அவரது குடும்பத்தினர் பல மருத்துவர்களையும் நிபுணர்களையும் அணுகி ஆலோசனை பெற்ற போதிலும், அவரது நிலையில் எந்த முன்னேற்றமும் ஏற்படவில்லை என்பது குறிப்பிடத்தக்கது.

இத்தகைய தொடர் கனவுகள் குறித்துப் பல்வேறு கருத்துகள் நிலவுகின்றன. உளவியல் ரீதியாகப் பார்த்தால், சிறுவயதில் ஏற்பட்ட ஏதோ ஒரு ஆழமான மனக்காயம் (Trauma) அல்லது ஆழ்மனதில் புதைந்துள்ள தீர்க்கப்படாத அச்சம் இத்தகைய கனவுகளாக வெளிப்படலாம் என்கின்றனர் நிபுணர்கள். இது ஒரு அமானுஷ்ய நிகழ்வா அல்லது மூளையின் செயல்பாட்டில் உள்ள ஒரு விசித்திரமான கோளாறா என்பது இன்றுவரை விடை தெரியாத மர்மமாகவே நீடிக்கிறது.