முதலைகளுடன் மோதுவது எவ்வளவு ஆபத்தானது என்பதை உணர்த்தும் அதிர்ச்சிகரமான வீடியோ ஒன்று சமூக வலைதளங்களில் வைரலாகி வருகிறது. காட்டின் ராஜாவான சிங்கங்களே முதலையைக் கண்டு அஞ்சி ஒதுங்கும் நிலையில், ஒரு நாய் குளக்கரையில் படுத்திருந்த முதலையை மிகவும் அலட்சியமாக அணுகியது. ஆரம்பத்தில் அந்த நாய் குரைத்துக்கொண்டு முதலையை ஆக்ரோஷமாக எதிர்கொண்டபோது, அது ஒரு சாதாரண மோதலாகவே தோன்றியது. ஆனால், அடுத்த சில நொடிகளில் நடந்த விபரீதம் பார்ப்பவர்களை உறைய வைத்துள்ளது.
<
— Wildlife Uncensored (@TheeDarkCircle) February 11, 2026
/div>
தண்ணீருக்கு வெளியே அமைதியாக ஓய்வெடுத்துக் கொண்டிருந்த அந்த முதலை, நாயின் வருகையை உணர்ந்தும் சில வினாடிகள் அசையாமல் இருந்தது. நாய் அதன் மிக அருகில் சென்ற அந்த ஆபத்தான தருணத்தில், முதலை மின்னல் வேகத்தில் செயல்பட்டு நாயின் கழுத்தைக் கவ்விப் பிடித்தது. ஒரு சில நொடிக் போராட்டத்திற்குப் பிறகு, தப்பிக்க முயன்ற நாயை இழுத்துக்கொண்டு முதலை தண்ணீருக்குள் மறைந்தது. விலங்குகளின் உலகில் ஒரு சிறு கவனக்குறைவு கூட உயிருக்கே ஆபத்தாய் முடியும் என்பதை இந்த வீடியோ எச்சரிக்கையாக உணர்த்துகிறது.