ஐயோ கொடுமையே… மது போதைக் கண்டித்ததால்… கழுத்தை அறுக்கப் பாய்ந்து… ஆத்திரத்தில் மைத்துனர் உதட்டைக் கடித்துத் துண்டித்த கொடூரம்… உ . பி – யில் பரபரப்பு…!

உத்தரப் பிரதேச மாநிலம் ஹர்தோயில், மது குடிப்பதைக் கண்டித்ததால் ஏற்பட்ட தகராறில் மைத்துனர் ஒருவர் தனது சகோதரியின் கணவரின் உதட்டைக் கடித்துத் துண்டித்த அதிர்ச்சிகரமான சம்பவம் நடந்துள்ளது. சகோதரியின் கணவர் தினமும் மது அருந்துவதை வழக்கமாகக் கொண்டிருந்ததால், அதனைத் தவிர்க்கும்படி மைத்துனர் அறிவுறுத்தியுள்ளார். ஆனால், அவர் அதைக் கேட்க மறுத்ததே இந்த மோதலுக்குக் காரணமாகும்.

இதனால் இருவருக்கும் இடையே கடுமையான வாக்குவாதமும், ஒருவரையொருவர் தகாத வார்த்தைகளால் திட்டிக்கொள்ளும் அளவுக்குக் கைகலப்பும் ஏற்பட்டது. ஒரு கட்டத்தில் கோபத்தின் உச்சத்திற்குச் சென்ற மைத்துனர், சகோதரியின் கணவரின் கழுத்தை அறுக்கப் பாய்ந்துள்ளார். ஆனால் அது முடியாமல் போகவே, ஆத்திரத்தில் அவரது உதட்டை ஆக்ரோஷமாகக் கடித்துத் துண்டித்துள்ளார்.

வலியால் அவர் அலறியதைக் கேட்டு அங்கு மக்கள் கூடினர். உடனடியாக அவர் மீட்கப்பட்டு லக்னோவில் உள்ள மருத்துவமனையில் அனுமதிக்கப்பட்டார்; அங்கு அவரது நிலைமை மிகவும் கவலைக்கிடமாக இருப்பதாகக் கூறப்படுகிறது. தனது சகோதரன் முதலில் கணவரின் கழுத்தைத் தாக்க முயன்றதாகவும், அது முடியாததால் உதட்டைக் கடித்ததாகவும் மனைவி போலீசாரிடம் புகார் அளித்துள்ளார். இதன் அடிப்படையில் காவல்துறையினர் தற்போது தீவிர விசாரணை மேற்கொண்டு வருகின்றனர்.