பாட்டு எழுத கவிஞர் வாலி போட்ட ஒரே ஒரு முக்கிய கண்டிஷன்… இப்படியொரு மனுஷனா…?

தமிழ் சினிமாவில் கவிஞரும், தமிழ்த் திரைப்படப் பாடலாசிரியருமான வாலி எம்ஜிஆர்,சிவாஜி காலம் தொடங்கி தனுஷ் காலம் வரை பாடல்களை எழுதியவர் வாலி. இவை எழுதிய பாண்டவர் பூமி, கிருஷ்ண விஜயம் ஆகிய கவிதைத் தொகுப்புகள் புகழ் பெற்றவை. ஆனந்த விகடன் இதழில் வாலி, தான் பழகிய ஆளுமைகள் பற்றி எழுதிய‌ “நினைவு நாடாக்கள”‘ என்ற தொடரும் பெயர் பெற்றது.

வாலி, திரைப்படங்களுக்கு 15,000 க்கும் மேற்பட்ட பாடல்களை எழுதியுள்ளார். இவர் திரைப்படங்களிலும் நடித்துள்ளார். அவர் நடித்த திரைப்படங்களுள்,  பார்த்தாலே பரவசம்,சத்யா, ஹேராம் ஆகியவை குறிப்பிடத்தக்கவை. மேலும், ‘கையளவு மனசு’ என்ற தொலைக்காட்சித் தொடரிலுமம் இவர் நடித்துள்ளார். கடந்த 2007 ஆம் வருடத்தில் இவருக்கு இந்திய அரசின் பத்மஸ்ரீ விருது வழங்கப்பட்டது.

1967 ஆம் வருடம் தி.மு.க.வின் தேர்தல் வெற்றிக்கு எத்தனையோ காரணங்கள் இருக்கிறது. அதில் ‘எங்க வீட்டுப் பிள்ளை’ படத்தில் இடம் பெற்ற இவர்  இயற்றிய “நான் ஆணையிட்டால் அது நடந்து விட்டால்” என்ற பாடலும் ஒரு காரணம் தான்.  மணிரத்னம் இயக்கி ரஜினிகாந்த் நடித்த தளபதியில் அவரது பாடல்வரிகள் வெற்றி பெற்றது.

இந்நிலையில் வாலி குறித்த ஒரு விஷயம் வெளியாகியுள்ளது. அந்தவகையில் தன் பாடலை எழுத தயாரிப்பாளர்களுக்கு ஒரே ஒரு கண்டிஷன் போட்டதாக நெல்லை ஜெயந்தா கூறியுள்ளார். அதாவது பாடல் எழுத 2 லட்சம் வாங்கிய வாலி 1 லட்சம் ரூபாய்க்கு காசோலை வழங்க வேண்டும் என்று சொல்லிவிடுவாராம். அதை தன்னுடைய மகனுடைய பெயரில் வங்கியில் போட்டுவைத்து அதன் வட்டி தொகையை அத்தியாவசிய செலவுக்கு மட்டுமே பயன்படுத்தி வந்தாராம்.