திருச்சி கிழக்கு சட்டமன்றத் தொகுதி இடைத்தேர்தலில் தமிழக வெற்றிக் கழகத்தின் (தவெக) சார்பில் போட்டியிடப் போகும் வேட்பாளர் யார் என்ற பெரும் எதிர்பார்ப்பு நிலவி வந்த சூழலில், அக்கட்சியின் தலைவரும் முதலமைச்சருமான ஜோசப் விஜய் நேற்று திருச்சியில் நடைபெற்ற பொதுக்கூட்டத்தில் மிக முக்கியமான அறிவிப்பு ஒன்றை வெளியிட்டுள்ளார். இந்தத் தேர்தலில் தவெக சார்பில் தனக்குப் பதிலாக, அந்த மண்ணின் மைந்தர் ஒருவரே வேட்பாளராகக் களமிறக்கப்படுவார் என்று அவர் மேடையில் அதிகாரப்பூர்வமாக அறிவித்தார். முதலமைச்சரின் இந்த அதிரடி அறிவிப்பு திருச்சி மாவட்டத் தவெக தொண்டர்கள் மற்றும் பொதுமக்கள் மத்தியில் பெரும் உற்சாகத்தையும், அதே வேளையில் அந்த நபர் யார் என்ற பலத்த விவாதத்தையும் ஏற்படுத்தியுள்ளது.
முதலமைச்சர் விஜய் குறிப்பிட்ட அந்த மண்ணின் மைந்தர், நேற்று மேடையில் அவருக்குப் பிரம்மாண்டமான வெள்ளிச் செங்கோல் வழங்கி கௌரவித்த கு.ப.கிருஷ்ணனின் மகன் சிரஞ்சீவிதான் என்று தவெக கட்சி வட்டாரங்களில் தற்போது பரவலாகப் பேசப்பட்டு வருகிறது. திருச்சி மண்ணில் செல்வாக்குமிக்க குடும்பத்தைச் சேர்ந்த சிரஞ்சீவியைக் களமிறக்குவதன் மூலம் தொகுதியை எளிதாகக் கைப்பற்ற முடியும் எனத் தவெக தலைமை கணக்கு போடுவதாகக் கூறப்படுகிறது. முதலமைச்சரின் இந்த சூசகமான அறிவிப்பைத் தொடர்ந்து, திருச்சி கிழக்கு இடைத்தேர்தல் களம் தற்போதே சூடுபிடிக்கத் தொடங்கியுள்ளது.