காட்டுயிர்களின் உலகம் கணிக்க முடியாத திருப்பங்கள் நிறைந்தது என்பதற்குச் சான்றாக ஒரு வீடியோ சமூக வலைதளங்களில் வைரலாகி வருகிறது. ஆற்றங்கரை ஓரம் அமைந்த ஒரு சமவெளிப் பகுதியில், ஒரு பெண் சிங்கமும் காட்டெருமை ஒன்றும் நேருக்கு நேர் மோதுகின்றன. தொடக்கத்தில் மிகுந்த துணிச்சலுடன் செயல்படும் அந்த எருமை, சிங்கத்தை ஆக்ரோஷமாக முட்டிப் பின்வாங்கச் செய்கிறது.
மேலும் எருமையின் வேகத்தைக் கண்டு சிங்கமே பயந்து ஓடிவிடும் என்று நினைக்கும் வேளையில், எதிர்பாராத விதமாக அந்த எருமை திடீரென நிலைதடுமாறி முகங்குப்புற தரையில் விழுகிறது. எருமை கீழே விழுந்த அந்த நொடியையே தனது வெற்றிக்கான வாய்ப்பாக மாற்றிக்கொண்ட பெண் சிங்கம், மின்னல் வேகத்தில் அதன் மீது பாய்ந்தது.
It was already trying to chase off the lion … Until it fell!
May we not fall in the presence of our enemies pic.twitter.com/geulfUfUpW
— Arojinle (@arojinle1) February 22, 2026
“>
இதனால் தனது வலுவான நகங்களால் எருமையின் கழுத்தைப் பிடித்து நிலைநிறுத்திய சிங்கம், கூர்மையான பற்களால் அதன் வயிற்றுப் பகுதியைத் தாக்கி வேட்டையாடத் தொடங்கியது. எருமைக்கு ஏற்பட்ட திடீர் உடல்நலக் குறைவு அல்லது மயக்கம் காரணமாகவே அது கீழே விழுந்திருக்கலாம் என நெட்டிசன்கள் கருத்து தெரிவித்து வருகின்றனர். சுமார் 60 லட்சம் பார்வைகளைக் கடந்துள்ள இந்த வீடியோ, இயற்கையின் கொடூரமான மற்றும் யதார்த்தமான பக்கத்தை உலகுக்குக் காட்டியுள்ளது.